قصيدة <الظلم كافر > اهداء لكل ظالم

قصيدة الظلم كافر

خلاص بانت وكل ٍ بان عذروبه
اقصر كلامك .. ولا تكثر من اكذابك
الكذبه اللي عليّ اسنين محجوبه !
كشفتها .. والحقيقه غطت احجابك
والله وصرت بزماني اتفه اعجوبه !
من بعد ماكنت ما اسمع فيك .. وهقابك
روّح وكل ٍ خذى قدره وماجوبه
دربك تدله .. ورح له مثل ماجابك
وغلطتك هذي ترى ماهي بمحسوبه !
هو فيه .؟ رجال عاقل يحسب حسابك
نصيحتي توب والله يقبل التوبه
لاتظلم الناس واعّقل والّزم ترابك
كل سية ٍ منك عند الله مكتوبه
تلقاها يوم القيامه داخل اكتابك
والعايب اللي يشوف الناس بعيوبه
يزهابه العيب مثلك يوم يزهابك
الرجل له ماقفه يوم يتعزووبه
وإلا انت ! تبطي ولا احد ٍ قد تعزوابك
مافيه نفس ٍ! على الزلات مغصوبه
لو فيه ! ماقلت نعمين ٍ بمن جابك
وإلا انت لو حل ذكرك قلت والكوبه
من فعل اياديك ماني ظالم ٍ مابك
الظلم كافر , ولكن ابشع ذنوبه
لاجاك من صاحبك وإلا من اقرابك
وغلطتك هذي ترى ماهي بمحسوبه !
إلا .. ليا صرت مثلك ! بحسب حسابك
فهد بن صنهات الديحاني