تطربني النجديه ياناس

يقولون العـرب صوت البنيـة يذبح الرجال
وانا اقــــــول البلا بالصوت الله يلعن ابـــو حيه








ترى قولـة الو منهـــا تسوي داخلي زلزال
خصوصـــــا لا طلعت قـــــولة الو من سعوديه








اذوب ان قالت شلونك عساك بخير كيف الحال
واضـــــــيع اسم جداني اليا قــــــالت شمـــــاليه








حلاها شي مو عادي وميزتها وسيعة بال
هواها يذبح العاشق وفيهـــــا الشمس و الفـــــيه








واذا قالت انا من نجد صدقني يجيني هبال
وانا أدري ان الحــلا نجدي وساس الزين نجديه








ابثـــني خطوتي وبطوي فـــي لقاه أميـال
وينبض قلـــــبي بســــرعة ليا قالت حجـــــازيه








خفيفٍ دمها سكر عليها من الوصوف اشكال
تحـــــــير من يوصفها لأنها غــــــير عــــــاديه








واقوم على طروق الشعر واجر لي موال
على ألحــــــان الجنوب إن قــــــالت بنيه جنوبيه








رقيقه كنها النسمه جمال وحسن عال العال
وهي أصــــــل الشقا والطب لقلوب الشقــــــاويه








وأجوب الساحل الشرقي واغني للبحر يامال
وأردد يــــــاهوى بالي اذا قالت لــــــــــي شرقيه








دلعها غير ياقلبي عن كل البنات وتشهد الأمثال
وتكتبهـــــا القصــــــائد ثم تغنـــــــــيها الغنـــاويه







وانا لمن سئلتوني ترى عشــقي ثرى ورمال
واموت واحيـاء على عشـــقي وانا احب السعوديه