قصه وقصيده للضحك..

))اللبس ماعمره ستر عيب رجّال((

فيه شخص ثقيل دم دايماً يدوّر شيء ينتقده على ربعه

وكل سوالفه سوالف نسوان: عن الماركات والموضات

مره يقول (نعالك مو ماركه) !!

ومره (قماش ثوبك صيني) !!

وآخر مره قال

(قلمك رخيص مو زي قلمي الـ Dior)

L

فرد عليه صاحب القلم [الرخيص] بهذي الأبيات:

في جيبي العلوي قلم بأربع ريال

وأخطّ به مالا يخطّه (ديورك)

هذي علومك،،، كلها عوج وهزال

اسمعني، اللــه لايجبّر كسـورك

فرحان.. تشري بـ(ألف وشويه) نعال !

تمشي بك دروب المذله بـ شورك

ومفصّل بـ (حول الثلاثميه) عقال !

وتحته عقل فارغ سوى مـن غرورك

يا تافه .. ارخ السمع للي بينقال

وتراه ماهو مـن دواعي سرورك L

))اللبس ماعمره ستر عيب رجّال((

هذا انت ماتستر خَواك بـ قشورك

ومادامك تقيس الأوادم بالأشكال

عندي تساوت غيبتك مع حضورك

رح خاو مـن مثلك أشبه بـ تمثال

يرضي )برستيجك( ويسعد شعورك

ما اتشرف بمعرفتك ولا انت فـ البال

ولا عاد أشوفك عندي ولا بأزورك

مغنيني اللـه عنك برجالٍ ثقال

مافيهم اللي حب تمثيل دورك

أقلّهم لو شاف تقصير وإهمال

يسد نقصك ما يدوّر قصورك