ابي كل واحد يدخل ويشوف موضوعي ابي الكل يعرف وش هو زعلنا بربكم ادخلو اريد رايكم

لن اقف معكم ولو كنتم على هامه جبل بعد ذلك لن اوقف معكم ايها الادارة لماذا كل هذا لماذا هذا التشكيل لماذا هذا المستوى ليش؟ لأننا اعطينكم وجه فريق خذلنا فريق سود وجيهنا ليش؟؟ تبا لفريق يفعل بجمهوره هكذا تبا لفريق دار عليه الزمن با الهزائم تبا لفريق لم يفهم معنى ثقافه الفوز تبا لفريق لا يقدر مشاعر جماهيرة تبا لفريق اصبح الواحد يخجل من ان يلعن عن تشجيعه للنصر
خلاص تعبنا خلاص ماعاد با الصبر ما اقدر اكمل يا جماعه يا ناس لو مافي لاعبين ممكن اقول امكانيات الفريق ضعيفه خل نسكت ونصبر يا جماعه لو مفلسين اقول خل نسكت وستحسن الامور
لكن فريق مشتت ماحد قدر من الادراة ان يناقش المدرب الفاشل ماحد من طاقم النادي راح قام هاوش المدرب ياخي يعرف المدرب ان خلفه فريق كبير لو ناقشوة لو عرفوة معنى الاستهوان ما كان حط هذا التشكيل التعبان لن نوصل الى الدور الثاني في اسيا لن نذهب بعيدا في البطولات الا اذا عرف الفريق معنى زعل الجماهير للأسف صارت مشاعرنا لعبه بأيديهم يعني مدرب واسمحولي اقولها حمار النصر متى فاز على الهلال في الدوري تحديدا مرة واحد قبل هذا العام احد سأل نفسه كيف فاز النصر احد كلف نفسه من جهاز تدريبي ومدير الفريق والمستشار الفني للفريق في دراسه ذلك فزنا عليهم بالضغط فزنا عليهم با الوجوة الشابه ولا يجلس احد يشكك بكلامي كان نفس تشكيل الهلال لهاذي المبارة مو معقوله فريق الاظهرة وواحد عمرة 35 والثاني عمرة 32 بينجحون ما نجحوا اظهرة كبار با العمر الا زنتي هل حسين عبدالغني ووالدوخي مثل زنتي الذي بيوم زواجه حضر تدريب صبح ومساء لفريقه مو معقوله بنحقق الانضباطيه بفريق مثل هذا ولاحد يتكلم ويقول هذا الموجود بدل لحسين يوجد برناوي الذي اعتبرة هو مسكت ويلي با السعوديه كلها هذا غير الايرانين الي مسكتينه بدال الدوخي في شايع شراحيلي و عبدالكريم الخيبري هذة البدائل مو كفايه تعمل انضباطيه في الدفاع للأسف صوت غير مسموع دائما للجمهور النصرواي وبعدين ماكين النكبه الدفاعيه شفنا كلنا الشوط الاول يوم طلع وتفكينا منه الثور الاسترالي كيف صار وضع الدفاع مافي قراءة للمبارة ياجماعه ماني شايف اجتهاد ماني شايف مجهود عقلي في الفريق انتا قبل ما تشغل بدنك لازم تشغل عقلك للأسف زي ما ينقال دايم مافي شي يستحق نقعد عشانه يعني المدرب له 3 مباريات مع الهلال وبعدين هو ما يشوف شرايط للهلال قدام الفرق الايرانيه صدقوني مدرب زفت الهلال معروف فريق تضغط عليه بدنيا تعمل بريسنق يصير زي اللعبه بين ايديك ماني شايف شي للأسف تنظيم هجومي ماني شايف سعود حمود لاعب ممتاز بس مافي مدرب يووجها التوجيه الصحيح يعني الولد مرة تلقاة وسط ومرة دفاع ومرة على اليميين ومرة على اليسار الفريق خططه وواضحه ولو تجيب طفل نصرواي متابع للنصر يقولك كل شي ماذا يحدث يا جماعه
شي غير معقول انا تعبت وداخلي حسرة وألم واهاتــ
لأني اعتمدت على فريقي وخذلني لأني شفت فريقي بدون تووجيه ولمتى بنوقف ونشجع ونجلس نضارب ونتهاوش مع الناس عشان النصـر ليش نشجع ونساند ونروح للملعب ونرفع شعارات ونعطل انفسنا عشان فريق ما يستاهل يعني با العربي اتعب نفسي والناس ماهي مقدرة ولا دمعه تنزل على جبين نصرواي عاشق نعم احبك يانصــــ{ ـــر اسمحلي يانصـــ//ـــر سأكــــ,ـ,ـون عدو الزوبعات فيك وعدو كل شي مو زين فيك لين تصير زين يا جماهير خلاص طفح الكيل كلنا لازم نطلع ونتكلم مو عيب اننا نقدم رأينا مو عيب نعدل وضع فريقنا مو عيب نطرد صغائر المدربين بفريقنا مو عيب نقدم دعم بعقلنيه شويه شجعنا وشجعنا وشجعنا ولايوجد فريق يحترم مشاعرنا .......................................ويحس بقلوب جماهيرة الي تحترق .......................................كل يوم من القهرة والاهاتـ
اتمنى ان يوصل صوتي للفريق واتمنى ان ينال كلامي ونقدي على رضاكم يا جماهير قلبي ياجماهير عشقي يا جمهور الشمس.