سالفة صارت اليوم الصباح البطل في السالفه طفل عمره 5 سنوات .

السلام عليكم ورحمة الله وبركاته


حبيت أنقل لكم سالفة صارت الصباح اليوم البطل في السالفه عمره 5 سنوات .
والمقصد كله تحلية الجو شوي لاغير ..


سمعت صراخ وبكاء الصباح من أخوي الصغير شعول (مشعل )عمره 5سنوات في يدرس بروضة أطفال .

جالس يصرخ بصوت عالي ومسوي أزعاج وقروشة في البيت ..
أسمع صوت أبوي يقول خلاص يامشعل وانا ابوك اليوم أتصل عليهم قدامك لوتبي .

وقته قلت أكيد مايبي يدرس ..
لاكن كلام أبوي كان غريب (( اليوم أتصل عليهم قدمك لوتبي )) .

طبعآ اللقافه فيني وحب الاستطلاع من الي راح يدق عليهم .

طلعت من داري صاروخ عليهم .

وقته طلوعي مشعل يقول لبوي قل والله ..

والولد يقول خلاص بطلع مع ضاري الحين مراح نرجع الا المفاتيح كله معنا .

قال مشعل لا يروح ضاري معك ولا تعلمه ولايشوف المفاتيح .

قال أبوي أبشر .

طلع مشعل ومعه أبوي وانا امشي وراهم أبي اعرف السالفة .
أول ماحرك في السواق .

على طول قلت لبوي لايكون كل هالقروشة حس أنه رجال ويبي سياره ..

قال ابوي أخووووووك مشعل أنهبل جاني بعد صلاة الجمعة وقال لي عندي طلب .
قلت اطلب .
قال اشتر نادي النصر ونادي الهلال .
وعط لاعبين النصر كل يوم فلوس وهدية ويجون البيت عندنا يتعشون .
ونادي الهلال أقطع عنهم الكهرب والماي وأنا بكسرحماماتهم والغرف .
ضحـككككككككككككككككككككككككككككككت ضحك من قلـب .

يقول الوالد جلس يون ساعه فوق راسي يقول تكفى ترى تكفى تهز الرجاجيل .

يقول أزعجني .
بغيت أرتاح منه عشان يروح عني اعرف اتابع التلفاز .

قلت ياولدي مشعل وانا ناطل به اليوم جمعه مقفلين .
بكره تروح للمدرسة ومعاك مفتاح نادي النصر وتقهر ربعك والمطوع والسهلاوي عندك على في البيت على وجبة الغداء ..

يقول تفأجت جيت أقومه للمدرسه أول مافتح عيونه ناظرني شوي قال وين مفتاح نادي النصر ..

واضحـك أههههههههههههههههههههههه على ولدنا الي أنهبل .
الله يعين عليه لا طلع من الدوام وماحصل مفتاح نادي النصر والهلال .

أن كانت خالفت قوانين المنتدى . أتمنى حذفه بسرع وقت وشكرآ