كل الفرق جابت لعيبه بملايين وحنا بماضينا نعيد النقاشي+معيض يطالب بحقوقه

سلام الله عليكم

يازمان العجايب وش بقى ماظهر ّّّ كل ماقلت هانت جد علمن جديد

والله ماندري نلقاها منين ولا منين من لعيبه مدفونين ولا شافوا سقوط النادي الا هاليومين

ولا من رئيس بدال مايشكل لجنه رباعيه داخل النادي شكل لجنه رباعيه باربع قنوات فضائيه

وكل يوم طالع علينا منها بقناة ينفي ويصرح ويشجب ويستنكر ؟؟ طيب وبعدين يالحبيب

يعني وش نستفيد او بمعنى اصح وش استفاد النادي من هالبهرجه الاعلاميه والغطرسه

سواء منك او من اللي محسوبين رموز للنادي وومع الاسف اقولها محسوبين شاء من شاء

كل الفرق جابت لعيبه بملايين ّّّ وحنا بماضينا نعيد النقاشي لاونقلبه بالاخير هواشي

انا لست هنا ادافع لا عن الرئيس ولا عن من خرج في هذة الفترة مطالبا بحقوقه بالعكس

انا هنا استنكر تصرف الطرفين , ولاتهمني الشخصيات بقدر مايهمني كيان البيت النصراوي

بالامس كنت اعارض القريني وظهورة المتكرر وقلنا مرة ليدافع عن نفسه ولكن الرجال استحلاها

وخلى الاعلام منبر له ولقضاياه الشخصيه مع العموم , وبعده خرج علينا المحسوب عميدا واستاذا

لي انا على الاقل ومنه اتعلم ولكن بطريقة قد اعتبرها اقرب للدفاع عن النفس من القريني فقد

تكلم بحرقه لكن المشكله يبو سليمان انك اقحمت الكثير ومنهم الدكتور والذي اعجبني بانصافه

ودبلوماسيته في الرد , ولا ادري بعدها ماذا اراد الدويش وخصوصا بعد مواجهته بالرئيس

فلم يكن كعادته جريئا ويخبر الرئيس بصراحه بحجم اخطائه بل ذهب يمنة ويسرة من الـ20 مليون

الى فلان وعلان وغيرة وبدون اي فائده اذا لماذا هذة الشوشره ؟!!!!

والبارحه خرج علينا الموسيقار ولن اتطرق لكل اللغو الذي حدث ولكني اريد ان اطرح سؤالا


فهد ؛ انت تقول لم يعرض عليك في عهد فيصل بن تركي اي منصب وهذي نتركها على جنب؟

وقلت بلسانك انه عرض عليك في عهد فيصل بن عبدالرحمن منصب ادارة الفريق وكان ذلك

عبر اتصال الوليد عليك في ذلك الوقت ؟؟؟!!!!! طيب يابو سطام ليه رفضت وقتها دام مصلحه النادي

اللي هو النصر عندك فوق كل شي ولا مصلحة فريق مغمور كنت مرتبط معه على حد قولك اهم ,,

معقوله يافهد معقوله ياخي والله اللي يسمعك حرقتك على قولتك على النصر مايصدق انك تركته

عشان كنت مرتبط مع نادي مغمور والله لو انت مرتبط مع الانتر واشوف خروجك هذا بالاعلام

وصراخك على الادارة وغيرة كان اجزم انك بتتركهم وهم الانتر وتأتي للنصر لكن مع الاسف ؟؟؟


والرئيس مايصدق خبر على طول طالع من بكرا وفهد يساوم وفهد وفهد طيب ياخي ريحنا انت وفهد

يعني انت اللحين بابقائك على القريني رغم همجيته بالقرارات واعترافه بفشله هذا تراه في

مصلحة النادي يافيصل ولا من المكابره في الرأي واللتي لازلت تصر عليها رغم اخطائك ,

وبعدين وش حادك تنط بكل قناة تبرر وتتهم وانت حاط متحدث اعلامي ماشفناه الا مرة وليته ماظهر

ولا بعد فشل هو الثاني ومازلت تكابر وتصر على ابقاءه ....

الخلاصه انا ماهمني لافيصل ولا هريفي ولا غيرهم والله ماهموني كثر مايهمني شأن النصر

وعشان انت المسؤل يافيصل واللي سمح بكل هذة التطاولات على نادينا من جميع النواحي والفئات

افهم شي واحد ليس اعتزال ماجد وحده من جعلنا نطالب ونرشح اسمك للرئاسه ,

بل هي سياسة الرئاسه السابقه والتي نحن من وقف امام اسوار النادي للمطالبه بخلعها هي من

اجبرنا على التغيير ,, واذا رأينا انك ستتبع نفس تلك السياسه تأكد وثق ثقه تامه ان تلك الوقفه لنا

ستراها في القريب العاجل ولكن هذة المرة للمطالبه بتغييرك وليس بك ...


قبل اختم نسيت اقولك ترى ( معيض ) راح يطلع بكرا على الجزيرة يطالب بحقوق خلك جاهز للرد,