(كثر الغلاااا )..جديد محمد بن فطيس

السلام عليكم ورحمة الله وبركاته

صبحكم /مساكم الله بالخير

اعتــــــــذر عن غيابي طوال الفتره الماضيه ..

وحبيت يكون هدية الاعتذار ورده من بستان الشاعر الرائع محمد بن فطيس المري

إليكم

--

كثر الغلا كثراه يامتلف الحال
أظن ربعه كان سد الخليقه

ماينتظر لزيادته منك أفعال
ايزيد ماهو بالشهر بالدقيقه

وصلك ربيع و غيم و طيور وهجال
وبعدك ارياح من جنوب ,, وحريقه

والبعد ماينقص غرامك ولاحال
دون الوفا اللي ماخلق ما يعيقه

الوقت حاول فيه وافلس ولا طال
اقفال بيبان الحصون العتيقه

والقلب في حبك على الود لازال
ايجدد اعهود الغرام الوثيقه

زولك وقف توي ومن دون الازوال
ما اشوف غيرك كان تبغي الحقيقه

وطيفك لهاجس من شرب حبك اظلال
الى اللتفت شافه معه في طريقه

يمسي على ذكراك واحواله احوال
ويصبح يفك بما بقا منك ريقه

واللي بقا ذكرى لمافات وامال
اسقي بها في خافقي لك حديقه

حديقة احلام لها سور وأقفال
وطيور حبك في سماها طليقه

لكم ودي