ضيف الخيمة الرمضانيه ؟

موضوع جميل وأسف على التاخير هو الغالي
وأنا لي الشرف اني اشارك في ها الموضوع





-أول رمضان قمت بصيامه كم كان عمرك ؟
9 <<<< افلقني
- موقف طريف لا يغيب عن بالك حدث لك في رمضان ؟
بقولك نصر بس لا تعلم احد اوكيه حلو
طال عمرك قرر كبير العائلة انه يشتري ثلاجه مع فريزر ويحطها في المخزن علشان العصير والاشياء اللي تبي تجميد هي طبعا تجي مسطحه مو مثل الثلاجه تجي واقفه تعرفونها اكيد جالس اشرح انا وجهي
المهم العائلة الكريمة تشوف نقص في المخزون من العصير من بداء رمضان ويسئلون مافيه اجابة اما نعترف مافيه أمل
قرر كبير العائلة انه يحط قفل في الثلاجه علشان القرود تصوم
المهم واجي انا واخوي اللي اكبر مني كا العادة الا الثلاجة مقفله
عصب اخوي الا يفتح الثلاجه المهم كسر القفل وشربنا هو راح
انا من قرادتي قلت ابي اخذ عصير ولاني توني صغير وقصير جبت مسنده علشان اطول العصير وانا نص في الثلاجه ونص برا الا الضربه اللي جتني مع ظهري الا انا وسط الثلاجه الا ابوي في وجهي عاااااد الباقي مشفر خخخخخخخخخخ

- برنامجك في رمضان كيف سيكون ؟
برنامجي ملخبط
يعني مره تلقاني اقراء قران مره تلقاني اتبطح مره تلقاني منسدح قدام التلفزيون مره على النت بس اكثر شي تلقاني العب طائرة في الاستراحه مع أخواننا الزعقاء جيرانا مافيه الا تكسير روس
ونصيحه لا تشربون فيمتو تراه يدوخ من جد اذا شربته احس اني مسطل خخخخخخخخ


- ماهي الأكله او الطبق الذي يجب ان يتواجد أمامك في رمضان ؟
السنبوسه بالفرن ما احب اللي بالزيت
والباقي عادي عندي
- هل تحرص على السحور ؟
شايفني ضب
اكيد السحور لازم وكبسه بعد قدامنا 14 ساعه لازم نخزن مو قات اكل لحد يروح باله بعيد هههههههه
- شخص تتمنى تواجده في رمضان ؟
أحتفظ به لنفسي
- بمن تفكر اول ما تسمع بحلول الشهر الكريم بعد الوالدين الله يحفظ الموجودين ويرحم من انتقل الى جوار ربه ؟
أفكر بشخص عزيز علي توفى الله يرحمه

- مالذي تتمنى أن تراة في المنتدى خلال هذا الشهر الكريم؟؟
اتمنى ان أرى كل شي جميل والبعد عن سفاسف الامور
- مشهد يسعدك أن تراه في رمضان ؟؟
أفطار الصائم والصدقات
أفرح اذا شفت العمال والمساكين وهم يفطرون ليت الناس يحسون فيهم طوال السنه مو بس في رمضان الجوع كافر والحاجه مذله

- هل تحاول ختم القرأن الكريم في رمضان ؟
أن شاء الله
( اختر واحد من اثنين )
- تحب رمضان . الماضي ام الحاضر؟
الماضي طبعا


- رمضان في الصيف أو رمضان في الشتاء؟
الشتاء لان الليل فيه طويل ويطول معها الجمعات وتفتك من الحر وغثاه
- في رمضان تحب النوم المبكر أم السهر ؟
وين ننام والعالم كلها سهرانه
السهر ملازمني طول السنه يعني انا وياه حبايب
- في رمضان تحب الإجتماع مع الأهل والأصحاب أم الجلوس لوحدك ؟
اما بلحالي ليه قرد
طبعا لازم يكون حولي ناس وقرقره وبربره طلعت هندي كذا هههههه
- نصيحه توجها لأخوانك الصّائمين
اقول لهم انتم حسيتو ومسكم الجوع اوقات بسيطة في ها الشهر وعرفتو ظلمه
غيركم طول السنه وهو الجوع يعذبه وملازمه
لا تنسونهم وحسوا فيهم طوال السنه مو بس في رمضان
والصدقات ولو بشي بسيط
في الختام
اترك هدية منك هنا بمناسبة هذا الشهر الكريم
ولك الحرية في الهديه
خلها في العيد احسن اوووووكيه