ليلة القدر !!!! شعر @@

يالله ياعالم بسر الخفيات
يعالم بالحال وسر الخفيه
اطلبك ياواهب جزيل العطيات
من فيض عفوك ياعظيم البريه
تغفر بليلة قدر جميع من مات
اهل النفوس الطيبة والزكيــه
ومن كان حي تزرقه كل دعوات
في ليلة فيها الدعاوي نديــــــــــــــه
دعواتهم مابين سجده وركعات
تغفر ذنوب الي عليهم خطيه
ويالله تجمع شمل من كان بشتات
اعضاء شرفنا تحت رايه قويـــــــــــه
وينسون في جمعهم كل مافات
من العوايق والفعول الغبيــــــــــه
النصر يستنجد ويريد نجدات
بالدفع بموال الجيوب المليـــــــه
النصر باقي له لاعبيه وصفقات
ان كان تبغون النصر حي حيـــــــه
ماهو فريقا كل يوما بصفعات
وكل الفرق تاخذ نقاطه هديـــــــــــه
هبو بكلمة ترفع الشان والذات
وخلو الضعافه للوجيه الرديه
خلو نصرنا عاليا بالمنصات
والعالمي يكون عنده هويــــــه
وتكفون ياالجمهور ياهل الشهامات
تكفون بالدعوات بليلة خليه
ليلة قدر تجاب فيها النداءات
ادعو لفارس نجد شمس مضئيه
وقبل الختام ازف اعظم تحيات
بقدوم عيد الفطر بزكى تحيه
وصلاة ربي عد رملا وذرات
على النبي المختار خير البريـــــه
محبكم
ضامي بطـوله