الحب الاول صعب نسيانه

اقول بنسى واحسب اني نسيته
الحب الاول صعب نسيــــــان راعيه






عانيت في بُعده كثر مــا هويته
لا احتلت فـــــــي قربه ولا نيب ناسيه






لو اني اقدر اجيه حبيبي كان جيته
اللـــــي بقوله ااه ويلــــي علـيا اجيه






بس البلا اني كل ما جيت بيته
أخذ ثلاث ايام مدري وش انـــــا فيه






ليل ونهـــــــار وليل والله قفيته
وانا مــا بين اسمه ورقمه وطــــاريه






الله عطاني من غــــــلاه وعطيته
وغيــــــره بغى مني ولا نيب معطيه






قالو هويته قلت أيــــــه هويته
قـــالو اتركه قلت مـــــــــــا ني مخليه






له منزل ٍ في وسط الروح بنيته
جدرانه ضلوعي وهو ســــــــاكن فيه






دورت له بين الضلوع ولقيته
خلف الضلوع يبن ماطـــــــي خطاويه






واليوم لا احتجت اللقاء ما احتريته
حـــتى أثره من بين الاضلاع مــا أجيه






ياجعل اناديه كل ما بغيت بغيته
يغفــى علــى ضلعين صدري واصحيه






ما فيه شخص فــي حياتي بكيته
الا الذي قد مات مــــــــــا نيب براجيه






لاكن هو حـــــــي ومع ذا رثيته
من قلـــــبي اللــــــــي احسن الله تعازيه






حملت قلبي بالهموم ورجيته
كني مـــــــــــا اعرف الا غيابه واحاتيه






اقول بنسى واثرني ما نسيته
الحب الاول صعب نسيـــــــــــان راعيه