سواليف

لو وكيل اعمال الكبتن / حسين عبد الغني عرض اللاعب على الهلال قبل ان يشتري النصر عقده
وش تتوقعون بيقول رئيسهم ؟؟؟ اكيد بيضحك ليس سخريا بحسين وليس لان الهلال يملكون نجوم على مستوى عالي ولكن ! لان ادارة الهلال لاتستقطب لاعب كبير في السن مهما كان اسمه وشهرته . فمن المضحك ان ههههههههههههههههه ماودي اكمل ؟


انا متأكد ان رئيس نادي الشباب خالد البلطان لم يفكر ولالحظة بجلب مالك معاذ والاستفاده منه
لانه لن يفيدك لاعب تجاوز 35 سنه ؟!؟!؟!؟!؟!؟! والله ان الامر محير !

ومحمد عيد. الاغرب؟ انا ماادري وشلون يلعب اساسيا وعمر هوساوي احتياط وش اللي فيه زين والله ماشوف فيه الى ان يجلس في دقة الاحتياط يعني على الاقل ينفع وقت الاصابات لين الله يفرجها بصراحة محمد لن يفيد العالمي بشئ وعلى العموم هو ينحدر هههههه من نفس النادي اللي تخلى عن عبد الغني ومالك وحنا احتضناهم . ههههههههه دار المسنين


اتمنى اعرف من اللي شار على الادارة بمحمد السهلاوي تبون الحقيقة لاعب اقل من عادي لايجيد اختراق المدافعين لايملك قدم قويه والتسديد على المرماء مايحسسك انه بيسوي شي ماتحس انه رأس حربة خطير . يصفر الحكم البداية والنهاية وهو بس يركض والمشكلة انه على حد علمي بثلاثين مليووووون ؟؟؟ ياحليلك ياكحيلان


وعندك ريان بلال مهاجم مايعرف طريق المرمى الا بنسبة قليلة جدا يفتقد حساسية الكره اول مايستلم الكوره يفتقدها بسرعة اثر تمريره خاطئة او تقطع منه على طول او يتلخبط مايدري وين يروح تلاحظة يرجع وراء والمرماء قدامه .


خالد الزيلعي مع الفرق الصغير الله الله خذ ولد تجده يصنع ويسجل في كل مكان حركة مستمرة لايتوقف يعجبك تصفق له ولكن ؟؟ مع الفرق الكبير كالشباب والاتحاد والهلال يضيع يختفي لااثر له
هذا الزيلعي بختصار ،،


اما من ناحية الكبتن سعد الحارثي اللي من ثلاث سنوات وهو محلك راوح جدد له كحيلان بثلاثة مليون والله يرزقه ويزيد في رزقة لكن سؤال ياسموالامير هل فعل سعد الحارثي وقياسا على امكانياته والمستوى المتدني الذي قدمة والذي لايزال يقدمه. يستحق ان تدخل معه بشد ومد ولاكثر من شهرين وكانه قادنا الى منصات التتويج لاكثر من مره ! عموما الله يوفقه


ملاحظة للجميع . جميع مهاجمين النصر الحاليين لم يحققو لقب الهداف ولم ينافسو عليه ولومنافسة؟؟؟؟؟ على الاقل .. دليل واضح ان ربع لاعبين النصر لاعبين عاديين واخاصة الشق الهجومي ليسو على المستوى المئمول ايه الاخوه والاخوات لاتطالبونهم بأشياء اكبر منهم ترى بطولة الدوري اكبر منهم بكثير والدوري السعودي صعب والله صعب ...


طبعا هذه وجهة نظري قد اخطئ وقد اوصيب .. والله ولي التوفيق

لاتزعلون علي انا ارى انه هذا هو الواقع في نادينا . والحق يقال ،،،

اتمنى مناقشاتكم ايه الاعضاء الكرام فلعلي اكون مخطاً ،،،،، والله يوفقنا جميعا ونصرنا لكل خير