عرش الغلا .. قدره على قدر راعيٌه

السلاآآم عليكـــــــم ..

صبآآآحكم /مسآآآكم ..سعآآده ورآآآحة بأل

من ما اعجبـــــني ان شاءالله يعجبكم


:



عرش الغلا .. قدره على قدر راعيٌه
....................و الا العروش الخاويات .. أمخلوفه!!
شيءٍ يجي منٌه و بأحسان .. ما أبيٌه
....................و الله لو نفسي لملكه .. شغوفه
الله يصد العبد عنٌه .. و يعطيٌه
....................عقلٍ يشوف .. و نفس بيضاء .. عطوفه
أنشد .. و أنا اجاوبك .. يا ( لا ) يا ( أيٌه )
....................يا زينها بين الثنين .. أمحفوفه
مافيٌه داعي تكشف العلم .. و أخفيٌه
....................مثلي .. يطابق هرج قلبه حروفه
وش حيلتك؟ لا صار لك شخص تغليٌه
....................تطيح طيحاته .. و تاقف وقوفه
و وش حيلتك ؟ لا صار بايعك شاريٌه
....................قلبك .. و شاري منزله مع ضيوفه
شفني مغير أجيب ذكره و أوديٌه
....................و لرضاه أسوي كل ليله .. ( بروفه )
لين أنتهى .. و القوس في كف باريٌه
....................راحت طيوفه .. تشتبك مع طيوفه
و انا الين اموت .. باقي مواليٌه
....................لو تكثر أحزابه .. و تكثر أحلوفه
خله يروح .. و ينجرح صدر مغليٌه
....................مسموح .. و لحون الوداع أمعزوفه
مانيب قايل في غيابه ترى فيٌه
....................بأقول حكمه .. من زماااان معروفه
(أحدٍ كفيف .. و عين قلبه تقديٌه
....................و أحدٍ يشوف .. و لا يقديٌه شوفه)