سر ياقلم واكتب على ما طرالي

سر يا قلم واكتب على ما طرالي عبّرعن الضيقه بمضمون الاشعار وان كان نبعك جف والحبر خالي بسرج خيول الفكر وابشر بالاحبار عد القريحه من عذوب الزلالي والجو صافي والهواجيس حضّار سر يا قلم وانت الحكيم المثالي وانت الذي تهدم وتبني لك ادوار واختارمن بين النوادر جزالي بصف لك مكنوزها وانت تختار بالسوق جمّلني ترى السوق غالي ترى المزاين دوم تفرق بالاسعار وانزل كما شامان وقت النزالي حد ٍ بريع وفي اللقا سيف بتار اللي صلا قلبه من الهم صالي اعزف مواويله على كل الاوتار وانصب لقيفان الهموم احتفالي دام الفرح غايب والاحزان فجار ياصاحبي لحن المشاعر يلالي تعال ناخذ في دجى الليل مشوار نسمرمع انجوم السما والهلالي ناخذ لنا من صفحة العمر تذكار واذا ارتقينا للسحاب العوالي نهل دمع الفكر صافي ومدرار الهاجس اللي من حروفه تمالي ترجم معاناته على متن لشعار وانشده عن ذيك السنين الخوالي ايام ذقنا من حلاها والامرار ودي اسولف لك عن اسباب حالي لو كان ما تقوى على كتم الاسرار الصدر ضايق حيل والصبر طالي والوقت لعمار المخاليق هدار وانا اللي اتعبني وزاد انشغالي حظ ٍ كسير ووقت قاسي وجبار وهموم تشعل في الضمير اشتعالي وسط الضماير يشتعل واهج النار ما جتني الدنيا على طيب فالي تبدي لي بوجه ٍعبوس ٍ وغدار كنت ازبن الهقوه على رجم عالي واكسر مجاديف الزمن عزم واصرار اثر الهوى يثلم سيوف الرجالي والناس تحكمها صواديف الاقدار ما كنت احَسْب حساب سود الليالي ولا..عْوى سرحان في جرد الاقفار والطيحه اللي تعتبر راس مالي آمال مفقوده وحلم الهوى طار مدري سببها وقت ما قد صفالي والا السبب في حظي ايدينه اقصار اسج بفكاري يمين وشمالي اقراء كفوف الوقت والوقت دوار شفت الزمن ماله رفيق ٍ موالي اذا هدى ساعه يباغتك بعصار بصبر لو ان الصبر فاق احتمالي وانا على ما قيل صامد وصبار يالله يا المعبود يا ذو الجلالي ياعالمن بحوالنا سر وجهار تجلا همومن فوق صدري ثقالي تطلع وتنزل كن ف القلب منشار انت العزيز اللي عليه اتكالي وانت الملاذ بوقت يسر ٍ وبعسار وفي الختام افضل كلام ٍ يقالي على النبي صلوعدد وبل الامطار مماراق لي