قصيده شعريه في سنمار الرياضه !!!!!!

سادح وناطح وارفعوه الجماهير
وقالو ولدنا سعد ياناس ذابح
هذا الكبير الي عليه التباشير
ذا مدمي الشباك صقر وجارح
ومرت سنين كلبوها معاسير
وسنين بسبابه هموم وفضايح
كم هجمة ماتت بقل التدابير
وفي كل هجمه دايم الدوم طايح
نكره ومع ذلك وصل للمشاهير
مع نجمنا ماجد لبس له وشايح
في كل عام جيدا بالمعاذير
مره مصاب ومره الحظ شايح
ومرت سنين العمر مابه تباشير
مع شخص مثله وين تأتي الفرايح
ماغير جيد بالحكي والتصاوير
هذا اعلان حاضر وذاك رايح
هذا العلوم الحاضره والمخابير
ياسعد يالي ماسمعت النصايح
نايم في بيتك والجوايز طوابير
تصويت جمهورنا نقي الوضايح
خلوك يالهامل كبير الهوامير
والا انت حقك عشرة من منايح
كلام واقع مايبيله تفاسير
فيك اجتمع غدر الوفاء والوقايح
بعت الذهب ثم اشتريت السنافير
وتركت معدن اصفرا بالصافيح
تركت جمهور الوفاء والمناعير
وبدلتهم بهل الطواقي النوايح
اهل النعومه والشعر والمناكير
واطيابهم بزود النعومات فايح
ابشرك روحتك ماهي مخاسير
بالعكس فرحه للوجيه الفلايح
واختم كلامي للوجيه المسافير
ذا دم فاسد واصبح اليوم سايح
ضامي بطـوله
واعتذر ايه الاخوه اذا كان هناك الفظ ربما لااحبذها
ولكن واقع الامر حتم علي التطرق لها ............
فهذا النجم الصغير قدرا ولعبا لم يجعل وصلا لشعرة
معاويه بكل اسف .. انا لم غضب لرحيله ولالاختياره
حبيبه المفضل ... الذي خدمه من داخل الكيان الاصفر
ولكن الذي لم اتقبله نكران الجميل والوقاحه والصلافه
التي ظهر بها هذا الناكر بعدم التطرق للجمهور الوفي
الذي سانده طوال مشواره الغير موفق مع النصر ....
ووهبوه مالم يحظي نجوم اعظم منه منجزات واخلاص
بأن لايقدم لهم ولوكلمه مجامله ولكنه سنمار الرياضـه