طـــالـــبــكـ حـــاولـ..

طـــالـــبــكـ حـــاولـ..
امسح دموعك ولا تطري الوداع
ولا تقول ان الهوا ذا مستحيل..

قبل لاتحكم علينا بالضياع
راجع اوراق الامل تلقى سبيل..

وان عصاك الوقت يازين الطباع
كف دمع العين والرمش الضليل..

واذكر ايام مشينا باندفاع
مانعرف الياس في ليل طويل..

يوم نزرع حبنا في كل قاع
ونقنع بحلو الامل لو هو قليل..

حبنا صافي ولامسه خداع
يرسم الفرحه على القلب العليل..

مثل مركب كنت واشواقك شراع
يبحر المركب ولو حمله ثقيل..

مايهمه موج وبحور وساع
مرتكي للميل لو طال الرحيل..

طالبك حاول بقد المستطاع
لاتروح وتبتعد يا اغلى خليل..

وامسح دموعك ولاتطري الوداع
وان نويت البعد خذ دمعي بديل..

مماراق لي
للشاعر فيصل العدواني