ما تدري انه بالتمنن تـدني ....؟

تدور الايــام ليكون للقـاء دوره تعصف بنا الرياح
وتعود بنا من حيث عصفت بنا ،،، نعمة النسيان .. تستوجب علينا الشكر فشكرا لله
على ما أعنني عليهـ ... فالكثير لا يستحق الكثير ...
فالجنون والأنانية يكمنان في النظر من نافذة الحاجة دون غيرها ..

مدخـل ،،
أمسيت بك / قلبي تراجف ضلوعهـ
/// مبطي عليه القصف حامي ورجاج
في كل عرق ٍ داويــات ٍ صــدوعـهـ
/// من عقب ماهو ممسي ٍ فوق ديباج

،،، درة البيت ،،،

من طيب قلبي يالغضي يوم رديت
،،، وانت اتصدد يالغضي ليـه ..؟ عني
من لي ثلاث سنين عايش على ليت
،،، إتعــــود لي ولا فــــاد كثــر التمني
واليوم يوم انك على البيت دقيت
،،، تبي تحــــرق اللي بقـــى اليوم مني
من لي ثلاث سنين مقبل ولا اقفيت
،،، يوم الظروف العجــف عنك أبعدني
من رحت ما سمعوالي الناس لو بيت
،،، فيه أتغـــــــزل وأنطــرب له واغني
ما غير في فرقاك وان قيل .؟ حـبيت !
،،، كنه مسسنــي من غثــا النفـس جني
غايب ثلاث سنــين ! واليوم حــسيت ؟
،،، ما تـــــدري انه بالتمــــنــن تـــدني
غالي هــــذاك أول ليا قلــت ..؟ لبيت
،،، يوم إن هجــرك ما غشاهـ / التثني
أكذب وأنا ( خالد ) ليا قلــت حـــنيت
،،، وان خاب ظنكـ / بي ما خاب ظني
من لي ثلاث ســـــنين ما يوم حــبيت
،،، واليوم حتي الحب ما عرفهـ / كني
والله رزقنــــي يالغضــي ما تمـــنيت
،،، يوم إن هجـــرك دون رحمه طعني
من لي ثلاث شهــور بالحـب غـــنيت
،،، يوم انه أشــواقــه غـــــلا قابلنــــي
وشلون أخــونه !! وانت عني تخليت
،،، ونيــاق حــــبــه بالحشـــا بـــركني
وشلون أخــونه!! وانت بالغدر كافيت
،،، حب ٍ ســـيـوفهـــ بالغـــدر دمـــرني
وشلون أخــون .؟ اللي بقــربه تهــنيت
،،، اللي ســواليفـــه معـــي يطــــربني
من عقب أمــر الله بقـــربه تشـــافـيت
،،، يوم إنها طعون الغــــــدر عــــذبني
أعطيت له ( قلبي ) وهو (درة الــبيت)
،،، اللي ضـــلوعي من غــلاه أرتـوني
نسيت حبك لا حشــا ما تنـــاســــيت
،،، وحتي غـــلاك اليـــوم ماعرفه كني

مخرج ،،،
الامـور تهون والخالق حسيب
// والنفــوس ( امهذبه ) بجهــادها
والله الوالي على خلقه رقـيب
// والبشـر ما تنجــــزي لجــدادها
خاف ربك قبل نفسك لا تجيب

// كل نفس ٍ من مهـــد لــــ لحادها

[center]
بقلم ..
خالد الدعسان العنزي