خيانة ويالها من خيانه !!!!!

تدري وش الي يذبح القلب ياسعود
طعنت غدر تشعل بجوفك لهايب
خلت اخوك بنار حره وملهود
والنوم اصبح نطلبه في طلايب
طعم الخيانه مر وسم بالكبود
يقوله الي ذاق مر المصايب
اوفيته له بالحب بصكوك وعهود
واثره علي يسعود يلعب لعايب
يقول حبك داخل الجوف وخلود
يكذب عليه لين رحنا عطايب
ادعي عليه الله والناس برقود
من حر مونس اتقلب قلايب
ولاقربو لي الزاد في نفسي سدود
يومين صايم والجسم صار شايب
يالله عساها بين مترين ولحود
ونحط من فوقه لقبره نصايب
ويالله عسى حظه مع الوقت مقرود
ان طال فيه العمر عساه عايب
يمشي مع العالم ولاهو بموجود
ولايتهنى بعيشته والمطايب
وفي كل خطوة يحصل الباب موصود
ماينفتح له باب رزق وكسايب
ولجيت للي يطلبه كل معبود
الخالق المعبود معطي الوهايب
يارب انا مظلوم والحال مشهود
يارب عجل من ظلمني الحسايب
راعي الوفاء ياسعود ماعاد موجود
صرنا بزمان الغدر والحق غايب
ياسعود قله والعلم صار موكود
اني وراه بدعوتي والطلايب
لويختفي ويصير غايب ومفقود
ولو طالت الايام وراحت عطايب
غدره عليه دين والوقت معدود
لو يحتمي بدروع عسكر كتايب
لاجيب راسه وفي رقبته حبل ممدود
وفي مشنقة اهل الغدر له قرايب
راعي الوفاء ياسعود بالدوم محمود
وراعي الغدر يالله عساه النهايب
حقير في دنياه منبوذ مطرود
عايش مشرد مايحصل حبايب
ياسعود انا في ضيقتا مالها حدود
جرحي كبير وماتفيد الطبايب
مالي جدا غير اتوجه مع سجود
وارجع منيب ومن العنا الحب تايب
اما كذا والا والا ترا خوك ممدود
على سرير الموت دمعه سرايب
حسبي على اللي خان ياخوي ياسعود
ذي حالتي ياخوك كله صعايب
ضامي بطــوله