المشاعر صادقه...

المشاعر صادقه والشك زايل=والجفا والبعد ياجعله بعيد
اجتمعنا كلنا احرار واصايل=بالمحبه فالله وربي شهيد
يانديمي في مجافير الصقايل=سيف عدل وتاج راس وحلو صيد
ودي ارسل معك بيتينٍ جزايل=رد للي قالته همس القصيد
الصراحه تكشف اغياب الدلايل=والصريح يعيش في عمره سعيد
كل مرءٍ لا غدا للبعد مايل=لا تكلم ذاب غموض الجليد
واحترامك يعكس لطيبك فعايل=والمديح يطول ياهمس القصيد
قلتي ورديت لك والشك زايل=كل الاعضاء حبهم عندي يزيد
واختصار القول جعل الحظ طايل=جعل راع المنتدى عمره مديد
لمنا في صفحته ضمن الجمايل=وجعل حسناته وهو عايش تزيد
وفالختام الله يعطينا الاوايل=وجعل جمهور النصر دايم سعيد....

وسلامتكم ولاهانت اختي همس على الاهدااء وللمره الثانيه اتمنى ان تتواصل الاهدااءات بين الاعضاء والله يديم المحبه والله يظلنا في ظله يوم لا ظل الا ظله.....