نفسي اعرف الاداره شنو ناويه عليه ....؟

بسم الله الرحمن الرحيم

السلام عليكم ورحمة الله وبركاته


البارح كنت افرفر بالقنوات واحصل برنامج صدى الملاعب على قناة ام بي سي

شوي وطلعوا فاصل إعلاني الموهم قبل الفاصل قالت مقدمة البرنامج

النصر يسرح لاعبيه الاجانب الثلاثه ريتشي وواقنر وكيم بالتراضي ....!

انا هنا ورب الكعبه صرخت وصيحت ولا اخفيكم سبيت الاداره وكل من له

يد في موضوع التسريح إلى متى وإدارة النصر تجلب لاعبين دون المستوى

وتسررررحهم بالتراضي .؟

يعني تدفع فلوس بالهبل واخرتها تسرحهم بالتراضي في أي قاموس صارت هالسالفه

ليش لهالدرجه مافيه احد يفكر او مافيه سمسار لاعبين في العالمي لكي يعرض لاعبينا على

انديه اخرى بالاعاره او ببيع عقودهم لكي يستفيد النصر من العقود او على اقل تقدير

يطلع النصر بفايده من وراهم ....!

كل الانديه في السعوديه والعالم ماسووا هالسالفه اللي إدارة النصر جالسه تسويها ...!

كم لاعب دفع عليه النصر مبالغ هائله وبالاخير يسرحونه بالتراضي لا وفوق هذا

بعد شهر يطلع اللاعب على وسائل الاعلام يطالب النصر بمرتب كم شهر ومؤخر عقد ...!

ورب الكعبه تعبنا وملينا من الاداره التي لا تجلب سوا اللاعبين المنتهيه صلاحيتهم

واللي لا يفيدون النصر بأي شي يذكر ...

ابي اعرف شي واحد . الاداره ماذا تُريد مننا ....؟

دخل النادي 60 مليون وين تروح ....؟

هل برأيكم تصرف على لاعبين على مستوى عالي من الاداء واللعب والتميز ....؟

لم نشاهد غير رزافان وبيتري وكيم وغيره من الاسماء اللي لهفت فلوس واخرتها

يسرحونهم بالتراضي لا وفوق كل هذا بعد شهر يدفعون للاعب غصبٍ عليهم ...

نحن نريد لاعبين امثال : اوهين كيندي . حسين ازميجاني . يوسف فوفانا . تينيريو . سيزار .

ستويتشكوف . موسى صايب . وغيرهم من اللاعبين المميزين والذين يحدثون الفارق

الى متى ياإدارة العالمي ...؟

يعني تبون الجماهير تهجر المدرج والعالمي (( ؟؟؟؟؟؟؟؟؟؟؟؟؟؟ ))


(( ؟؟؟؟؟؟؟؟؟؟؟؟؟ ))

نحن جماهير تعششششق ولا تششششجع الفريق نحن نموت من اجل العالمي

شئتم ام ابيتم .. (( ؟؟؟؟؟؟؟؟؟؟؟؟؟؟؟؟؟؟ ))
اتمنى احد ينقذ نصرنا من ايدي (( ؟؟؟؟؟؟؟؟؟؟؟؟؟؟؟؟ ))
اسسسف على الاطاله وكنت اتمنى اني اكتب كلام كثير ولكن اخاف ان افرغ مابجعبتي

من كلام واجيب الاولي والتالي على الاداره اللي راح تجيب اجل العالمي بين يوم وليله

اتمنى من الله العلي العظيم ان يحفظ نصرنا من ايدي العابثين بتاريخ العالمي ومجده وانتصاراته


اقسم بالله اني الحين بالدوام وداخل المنتدى واكتب مافي قلبي والمعاملات مسطره على المكتب <- ودموعه بعينه

اعذروني على الاطاله

دمتم بود احبابي