فريق حارتنا ...خلوني هجوم .....شوتوا قدام

سلام عليكم جميع
كنت اتفرج في مباراة البارح وكان جنبي واحد ايطالي ...الايطالي هذا جاري
ساعات نروح انا وهو نحضر مباريات فريقه اللي هو فريق روما المهم كان دايم
يقول لي ابغا اشوف فريقك اللي تحب و كيف مستواكم في السعوديه ...
بصراحه من يومها وانا ما اقوله موعد المباريات واذا سئل اقول لعبوا العصر
وقت ما نكون في العمل .....من ردات حظي انه دق علي الباب والمباراة شغاله
وافتح وانا معصب الا والله الرجال قدامي الضحكه شاقه الوجه والبرطم عندي
طايح من المفاجآه .....طحت عليك ايش قاعد تسوي ايش اقوله وصوت التلفزيون يلعلع
قلتله (بريقوا) يعني تفضل يا حظي ...جلسنا نتفرج على المباراه وفجآه سئلني سوال
كنت اتمنى اي شي الا هالسوال كنت اتمنى يلغون الدوري او سمو الامير يفاجانا ويقدم
استقالته او النائب يبطل يهددنا كل شوي بالاستقاله ويستقيل مره وحده بس لا يسآلني هذا
السوال تصدقون قالي اي واحد فريقك ..... قلتله تبي شاهي ولا كافي !!!!
استحيت اقوله ..انتهت المباراه بشرها وشرها طبعا عرف فريقيً منهو
وطالع فيني وقال هذا دوريكم !!!!
قلتله ايه قال تصدق عيال حارتنا يلعبون احسن من فريقك ..انتوا ما عندكم مدرب ؟؟
لاعبينكم ما يلعبون كوره يآدون واجب فقط مثل منتخبكم لاعبين بدون هدف بدون روح
ما فيه انسجام ما فيه تفاهم الكوره ما تناقلها فريقك ثلاث نقلات صحيحه استلام وتسليم
خطاء ....بعدين المهاجم هذا ما عندكم غيره لانه بطئ جدا قلت له كم لاعب عجبك قال
الحارس والحلو ابو شعر (الغامدي) والشين ابو شعر (السعران ) والاسمراني (عيد)
اما الباقي ....قالي هذا فريقك اللي تاهل كاس العالم هذا فريقك اللي اخذ بطولة اسياء
اللي كان ينافس على كل بطوله ..الي خرًًّج لاعبين دخلوا التاريخ وسطروا فيهم المناهج
ضاعت افكاري وتهت في زحمة الاحراج ما عاد باقي لك عندي يالنصر ايه اعذار
......... .......... ......... .........
موضوع السهلاوي وخلوني هجوم او بالاصح خلوه هجوم يا سمو سمو الامير
المسئله مهي عناد وانا اعتقد اني كلمتك كذا مره وتذكر وقلت لك بطل عناد
الحين اللاعب نفسيته في الحضيض لانه حاس انه مقصر ولا قاعد يقدم شي
وفيه لاعبين يحترقون يبون فرصه هذي وش يسمونها ...امممممممم يمكن العناد
المزدوج اذا تعتقد انك قاعد تطور الفريق انت والمدرب الغفله تراك غلطان يا اخي
اسئل نفسك كم مباراه فاز فيها الفريق من يوم جبته واللي قاهرني حسبي الله
عليه كل ما انهزم قال الفريق يتطور
.......... ........ ........ ........
لعب النصر الان يذكرني بالاتحاد في التسعينات كانت الكوره ما تلمس الارض
يا في السماء يا شوتوا قدام وما تحسن الفريق الا بعد ما تغير اسلوبه الى الطريقه
البرازيليه حتى الاعب الامريكي اللي جابوه صدع راسه من للعبهم الان نفس الطريقه
ماشيه مع ربعنا من الحارس الى الدفاع وشوت للسهلاوي
تحياتي كتبت على عجاله واسف للاسلوب المهلهل ....تقول خطة لعبنا امس
والله يا شباب ان البارح لو فيه مدرب صح وهجوم محترف كان يمكن تاريخيه

خذ وخل