شفتوا اللي حصل البارح ...

ما صدق ...وش ذا !!! فيه حد قرا عليهم عمري ما شفت السهلاوي يلعب بالصوره هذي فريقنا كان يلعب بخمسة عشر لاعب عشره لاعبين اساسيين وخمسه لاعبين يقالهم السهلاوي ،،واحيانا يزيدون ثلاثه يقالهم الزيلعي ،،
النصر يا اخواني كان يلعب كوره ايه ...كوره ..ما يهمني ضد من يلعب ..اهم شي عندي اني اشوف النصر يقدم مستوى..الكوره كانت تتناقل بين الاعبين اكثر من خمس ست تمريرات دون خطاء ..هذا في اعتقادي يا مدربنا ما يسمى تخطيط الان القلابه اللي في راسك تحولت لخلايا مخيه تساعد على التفكير
مع العلم اني ما شفت الاهداف الرابع والخامس لانه كان عندي رحله دوليه وفجائه وانا اتفرج على المباراة لحد الهدف الثاني فجائه والمكرفون الداخلي ينادي علي
بالاسم والنداء الاخير للرحله والله يا جماعه اني منطلق مثل الصاروخ مثل هدف الثاني لبوقاش بس بدون امبراشه ما وصلت البوابه الا انا اخر واحد والحمدالله ربك ستر ...شفت يا نصري كم انت عندي غالي

ع الطاير
في الايام القادمه اعتقد ان في رؤوس من الاعبين بتطير
مدربنا في للحظه راح يلاقي نفسه امام تخمه من الاعبين الهجوم ..
وليد بن بدر انا طالبك انك ما تروح النادي مره ثانيه ..وكأنك تستجديهم يطلبونك ان تقعد خلك عند كلمتك وابعد ..
فيصل بن تركي السنه الجايه يا تكون او يشلعونك شلع
لا تحسب ان الموضوع منتهي ترا فيه شعوب شالت رؤوسائها شيل ...وشعب العالمي ترا يسويها
يا فيصل لا تحاول تكابر... ولما تختار مستشار او نائب تحاول تتجنب الاعبين الي كانت اسمائهم تنسج من ذهب وتختار ناس الى الان ما شفنا منهم فائده
منهم من يتحكم في الاعبين ويجامل ناس على ناس والثاني يهدد ويتوعد انه ينسحب تقول عيال حارتنا .. ياخذ الكوره ويروح بيتهم ...
تذكر يا فيصل ترا نادي بدون جمهور مثل الطبخه بدون ملح ما حد ياكلها ..عشان اوضح اكثر نادي من غير جمهور يحضر.... ما فيه عقود دعايات من الشركات
يعني معا نفسك ......

خد وخل