خذ ذكريات الأمس

السلام عليكم

الله يمسيكم بالخير ,, هاذي ان سميّتوها قصيده بزين على زين ولو ماجازت قولوا خويطره
اهم شي ماتمّوت حيولكم


خذ ذكريات الأمس تلقا حرقها
لاعاد يطري لك لقانا وزمانه
محدن على الدنيا من الله خلقها
يرضا على من قدّره بالمهانه
والحر بقياسه يقيس وفرقها
ولاهبّت رياح -الجبل في مكانه-
اللي علينا بالثنايا وطلقها
واثر الثنايا بكّن صدره مشانه
جا والنوايا مبيّته مافلقها
بمنطوق طيّب ماحسبته مرانه
قدره رفيع وقدرنا مالحقها
ظنّه علي بمستواه المتانه
يخطي ولا نخطي ولا من نطقها
ادمح له الزله دماحت حسانه
شيمة وفانا ماحسبنا زهقها
ياكود من ناكر ضعيف الحصانه
لاسامح الطيّب وجت له وهقها
وش ضّر من ناكر تشمّت بشانه
لاصار زايد طيبنا جا ومحقها
حرام نجرح من حسبها-هوانه-

------------------------------------------------

وشكرآ لكل من شّرف بحضوره

والله اهم شي الواحد يطلّع هاللي بصدره حتى ولو خلجات