رغم الألم

السلام عليكم ورحمة الله وبركاته

لامؤاخذه احبابي لأني قبل يومين حطيّت هنا محاوله بمعنى يفترض تأخير هذه الجديده ولكني والله اول مرّه يحصل معي هكذا وان شاء الله آخر مرّه-_- أهم شي هون اكون عند رضا الذائقه

رغم الألم واللي مقّدر من جراح=لقيت من بعض الشدايد حصيله
من ما تعّلم من حياته وماراح=نقص عليه ان كان جهله دليله
لابد من درس يجي له وبشراح=لابد جهله يدفنه من جميله
درس من الدنيا ماينسا ماينزاح=لو بالقدر مكتوب يفضح ذليله
يمكن تهون جروح ويمكن لها سراح=لاصرت من نفسك جلبت العويله
بعض الخطاوي في ألمها لك طراح=هوّن ألمها في ضميرك فضيله
لاتنتظر من كل واحد لك افراح=وماكل من-حبّك- بقلبك تشيله
بصلاح ف لسانه وفي قلبه طلاح=ماوافق بداخل ضميره نفيله
قدرك رفيع وذاك قدره له ضراح=وعيب على الموجب لسالب يجي له
بعض الضرر مثل الليالي لها اصباح=وماعنك ياالدنيا بهلها طليله
لوكنت مقفول معقّد بمفتاح=ما لك على مقّدر مزابين حيله

وسلامتكم وسلامة الجميع