جماهير النصر !!!

السلام عليكم ورحمة الله وبركاته

بصراحه اللي خلاني اكتب الموضوع هم (( جماهير الاتحاد ))

الاتحاد وبلاعبينه العواجيز مثل نور وتكر ومنتشري وكريري واللي يتعادلون مع الفيصلي والرائد في الدوري السعودي فازوا على افضل فريق في اسيا من وجهة نظري ذهاباً بمدرب واجانبه العالميين .... لكن اللي خلا الاتحاد يكسب في الذهاب بهالنتيجه هم جماهيره بصراحه حضور كثيف وروح وتشجيع قوي من بداية المباراة لحد النهاية خلت عواجيز الاتحاد شباب وخلت ك د ي ش الاتي نمور تلعب بقتال غير طبيعي .... واثبت جمهور الاتحاد ان الجماهير هم الرقم واحد في الفريق كتأثير... واثبتوا مقولة ... الحي يحييك



وايضا لا أنسى جمهور الاهلي قبل موسمين لما كان الاهلي ترتيبه متأخر في الدوري لما جماهيره عقدت العزم بالتكاتف مع الفريق وبنفس اللاعبين اللي وصلوا الفريق للمركز السابع شفنا جمهور الاهلي حضور كثيف وتفاعل قوي وبث روح الحماس في الفريق حتى حققوا كأس الابطال .... ايضا هذا اثبات ان الجماهير لها الكلمة الاولى في الفريق وايضاً اثبتت مقولة ... الحي يحييك



وفي عام 2007 جماهير النصر لما كان الفريق ينافس على الهبوط في ذاك العام وكانت الجماهير تقف بكل قوة مع الفريق رغم تواجد لاعبين (( عاهات)) ولم يكن فيه اي نجم عدا سعد الحارثي في هذا الوقت انقذت الفريق من الهبوط .... وفي العام اللي يليه حققوابطولة كأس الامير فيصل بلاعبين مايحلمون يحققون بطلولة في حواري مثل عبدالله الموسى وماجد هزازي وحسن خيرالله ومشعل المطيري ومحمد الشهراني لكن حققوها بفضل الله ثم بفضل جماهيره ... وهذا اثبات ثالث أن الجماهير هي المؤثر الاول للفريق ... واثبتوا مقولة ... الحي يحيك


والان فريق النصر فيه نجوم افضل من السابق بكثير مثل حسني وغالب والسهلاوي وحمود عيد وجيمي والغامدي وغيرهم كثير لكن الفريق شبه ميت... مافيه هذاك المستوى ولا فيه هالروح اللي تساعد على تحقيق البطولات وتروي عطش المشجع النصراوي العاشق اللي في(( منزله))والا في (( مقهى ))والا في (( استراحته )) ... لان الجمهور النصراوي في هذا الموسم والموسم السابق اثبت مقولة .... الميت يزيدك غبن


والجمهور النصراوي اذا حضر بشكل كثيف حضوره يجيب النوم للاعبين مافيه لا تشجيع ولا فيه روح وكل واحد جاي بقميص النوم حقه والا الشماغ وجاي ونفسه شينه على بعض اللاعبين ويبي بطولات ... اي طيب



البطولات تبي مشجعين يعبون الملعب بكثافه وتشجيع وحماس وزرع الروح في اللاعبين ... ماتبي مشجع يحضر علشان يشرب بيبسي والا ياكل فصفص ... اذا تبون بطولات وبإختصار (((( افعلوا مثل مافعلوا جماهير الاتحاد في مباراته مع الفريق الصيني ))) وخلوا عنكم الاعذار

منقــــــــــــــــــــــ ـــــــــــــــول