عقول تائه في بحر الجهل ......تنشد الماضي في كل للحظة فشل

على قد ما كنت في شوق للانظمام لهذا المنتدى من كتابات رائعه ومشاركات قيمه

على قد ما كرهت الدخول للمنتدى لمشاهدة المشاركات المخزيه والتعليقات السخيفه
من بعض المحسوبين على هذا المنتدى .وللاسف تلاقي بعد كل مباراه للنصر سواء
فوز او هزيمه يجي وينثر زعله وغضبه على كل ناس يسب الاداره والامير والاعبين
والمدرب حتى الحكم ......طيب ليه !!!تعتقد انك انت الوحيد اللي زعلان تعتقد انك الوحيد
اللي خايف على النصر يا اخي مرت علينا اوقات والنصر كيانا بينزل درجه اولى ومع
ذلك صبرنا وسكتتا نكتب بعقل وندافع بعقل .....حتى في المجالس ادخل واجلس وراسي
مرفوع في قمة فشل النادي ...الحب يا خوان مهو دايم يذيقك عسل احيانا يسقيك المر
بس اصبر عشان معنى الحب اللي ذقته اول السنين بحلاوة فرح ودموع مع هذا الكيان...
نعم النصر يمر باسواء حالاته من عدة سنين بس للازم نوقف معه ..يجيك واحد سامج
وينزل موضوع لازم نقاطع المدرجات !!تقاطع المدرجات !!!قاطعها الحالك مع اني اشك في
حبك للنادي بس ليش توقف ضد الفريق ليش تنثر سمومك عندنا ..سوال للي يحرض على
المقاطعه من يوم حرضت على المقاطعه كم بطوله خذيت.. انت مثل ما انت بل بالعكس مسير
النادي يحس بالاحباط وهو يختار اللاعبين اذا المدرجات فاضيه كيف يمكن يختار لاعب ما يفشله
قدام الجمهور الغفيره لكن دامها فاضيه ما علي مثل ما تجي تجي مع اني اشك ان يكون هذا تفكيره

قبل امس طردنا المدرب ماتورانا .. كل العالم النصراوي انتقدوه من بروده وعدم ثقته في نفسه
وخلال فتره ما يقارب سنه ما استطاع يخلق تشكيله اساسيه حتى طريقة لعبه مكشوفه عند ايه مدرب
الان يطلع لك واحد ويمدحه ويكتب موضوع وينزل للقائه مع بتال (شخص وصولي يحاول ان يضهر على جروح الاخرين)
طيب امس انت تسميه خاين ونذل والحين تكتب عنه وتمدحه وش ذا التفكير ...

من رايي الشخصي البسيط والمتواضع مدربنا هذا انا احس ان عنده حاجه ممكن يقدمها
شخص غيور على النادي حماسي وهذا اللي يحتاجونه اللاعبين الهزايم وارده لكل نادي وما
فيه نادي ما يخسر بس المهم الوقفه ارجعوا ساندوا النادي وقفوا معه يا اخي ارجعهوا للمباريات
ايام ماجد ومحيسن شوفوا المدرج كيف ..تتذكروم مباراة النصر المشهوره 4/4مع الهلال الجمهور ضل
في المدرجات الى اخر دقيقه مع العلم ان الى نصف الشوط الثاني مازالت النتيجه تكسر الظهر لكن
الجمهور عنده ثقه بالاعبين ولاعبين جابوا التعادل من اصرار الجمهور على البقى في المدرجات الحين لما يسجل
هدف على النصر طلعو الجمهور هذا اذا فيه جمهور اصلا لا احد يقول لاعب اجنبي وخراط

خلوا الاداره تعمل وتحاسب المخطي وانتم احضروا لا تدخلون ابدا في الاعبين هذا اخطا وهذا فاشل
احضروا المدرجات كنا مضرب للمثل الجمهور الواعي الصابر المتفهم لين دخلت مجموعه تافهه تحاول تسقط النادي
وللاسف نجحت
اخيرا تذكروا حاجه والله ثم والله لو يجيبون افضل لاعبين في العالم يلعبون مع النصر بس ما فيه جمهور ما راح
يلعبون بنفس ..انتم الاساس انتم النادي انتم الاعبين انتم الكيان لا تنجرفون ورا شله فاشله تحاول اسقاط النادي
جربوا الدور هذا واحضروا سوا انهزم او فاز ...
يا اخي اللي قاهرني ان جمهور الشباب صاروا اكثر منا حضورا
اسئل الله ان يوفق النصر دايم في جميع مبارياته
تحياتي.....

توقــيع ; Daams

• ​