هدية الاربعاء...

الليالي تودع العاقل هبيل£والامور اليوم سلّم ياسلام

راح جيل ومقبلٍ وراه جيل£يالله اني طالبك حسن الختام
العزيز يذل ويعز الذليل£والسباع تباع في سوق النعام
ودفتر الشيكات في مخبا البخيل£ما ظهر في حرب ولا في سلام
واللبن والزبد في بطن الصميل£ما اطعم الجايع ولا فطر صيام
وش يجيب الدوم لغروس النخيل£فرقهن فرق الكرام من اللئام
من جلب لاهل الحسا تمرٍ حويل£علموه ان الهزيله ما تسام
حسبنا المولى وهو نعم الوكيل£عالم النيات خلاق الانام
مانبي منهم كثير ولا قليل£ولا لنا مقصد ولا عاية مرام
والحظيظ اللي يحسب للرحيل£باكر اليا لف في مترين خام
ما يفيده لا خوي ولا زميل£ولا يفيده لا خوال ولا عمام
فانيه والادمي عابر سبيل£اترك اللي فات وانظر للامام
والمهايط والحكي ما له ذبيل£ما رفع طامن ولا طمن سنام
والشعير يكال بشوال وزبيل£والذهب محسوب بالملي جرام
والكلام احيان احد من الصقيل£يتلف الارواح ويقص العظام
والصبر طيّب لو انه حنظليل£والعفو والصفح من طبع الكرام...


من اروع ما قرأت..