///.. اسطورة الكوره ..///

(( الأسطوره ماجد ))

صوّت و غطّى شعاع الشمس جمهوره=واستاحش الغيرمن رهبة جماهيره
ياعاشق الفن عبر الصوت والصوره=بالفن ماجد فرض حبه وتقديره
لا قيس باللاعبين اسطورة الكوره=ماجد هوالمجد لاهذا ولا غيره
عشق الملايين هز الكون بحضوره=عن الهدف مانفع ركله وتكسيره
حطم بفنه سرايا الصين مع سوره=واشباك همبرق دمرها بعاصيره
افعال ماجد مسيرة مجد مشهوره=تاريخ حافل يفوق الوصف تصويره
من نادي النصر شعشع وانبلج نوره=العالمي هو مسيرة صاحب السيره
عيّا به الرمز ابوخالد بمقدوره=ماحصّله سوق الأسهم مع هواميره
وفيصل كحيلان كمل واكتمل دوره=سوا اعتزله ولا قدم معاذيره
وادارته راقيه بالحيل مشكوره=فيصل كحيلان والله مانبي غيره
مليون مبروك ياشعبه وجمهوره=العالمي فاز بأسطورة جماهيره