ساجلة بين الشاعر خلف بن هذال والشاعر ياسر التويجري

السلام عليكم ورحمة الله وبركاته ...


•يَسَـْ عِ ـْد آيَآمًكَمً بٌـكَـل خٌـيَرٌ ...


مساجلة بين الشاعر خلف بن هذال والشاعر ياسر التويجري ...

الشاعر خلف بن هذال

ياراعي الطير خل الطيـر فـي وكـره
لاتقشـع البرقـع اللـي للهدد باقـي


فـي هـدة الطيرلاتفـرح ولاتـكـره
وانا لحب أشقر الجنحـان مشتاقـي


اعلم عن اليوم ماأعلم مايجي بكـره
والله يفرج ويبهج صدر مـن ضاقـي


الوقت ماكـر وكـل ذاق مـن مكـره
ياكثر ماذقت مـن لوعـات عشاقـي


الرجل يشكر ليا طال وضفـى شكـره
يربح به السوق عند إفلاس الأسواقي


للعشق نشوه غـرام وللهوى سكـره
والله ماادري متى جمعـاي وفراقـي


يطويني البعد طوي الخيـط بالمكـره
اليا متى تطوي البيـدا علـى ساقـي


ياسر ... ترى للكرم واهل الكرم حكره
يفوح فيها الدسم وتفـوح الأرزاقـي





الشاعر ياسر يرد على بن هذال ..


الشعر فكره ياراعي الشعـر والفكـره


يالشاعر اللي مع الشعـار عملاقـي



سـوق المعانـي تملكتـه ومحتكـره


بالفعل ماهي شهايد بيض الأوراقـي



أوّله ماجيـب قبلـك وانـت مبتكـره


واشوف كنـك علـى تاليـه توّاقـي



ياعاشق الطير حب الطير من ذكـره


لاصار كفه شطيـر وريشـه دقاقـي



ماكره في نجد مـا مارابـه الهكـره


ولاشـراه الـردّي وباعـه عراقـي



على غزال الشداد اللي علـى البكـره


اورّد نياقـهـم واصــدّر نيـاقـي



احب راس الظفر وآطى على العكـره


والأمة أخلاق وأنـا هـذي أخلاقـي



للوقت وقفه حسـاب وللزمـن نكـره


والله يصبر من أفارق علـى فراقـي ...


وسلامتكم ... لاتنسوني من التقييم .. ي بعدي ... لاهنتم ..