متى الليالي تعيد أفـراح منهوبه

متى المسـافـــات ننهيها ونطويها
. . . . . . متـى الليــالي تعيـــد أفـراح منهوبه



ياغامض الوقت لاتخفـي مواريها
. . . . . . هــذي حقـوقـاً لنـا بالغصب مسلوبه



قضيّة البعـــد ماشاورتنــا فيها
. . . . . . مـدري سبايبك ولاّ الوقت واسلوبه



أشوف الايام ترميني وانا ارميها
. . . . . . ومابيننا صــارت الاوضــــاع مقلوبه



على طريق النكد تقصر خطاويها
. . . . . . تمشي على كيفهــا والنــار مشبـوبه



ياحرق قلبي عجزت افهم مماشيها
. . . . . . ونـفـذت مطلـوبهـا مجبــور بعجــوبه



لجل الذي زلزل الخفّــاق طاريها
. . . . . .من عقب شوفه ياليت اشوف مندوبه



يبعد بي أعنف هواجيسي واناديها
. . . . . .وانا أعـرف أنّي مغلوب وهيّ مغلوبه



يجيبهــا لي خـيــالي ثم يخفيهــا
. . . . . . في مقطعة ماعــرف دربـي من دروبه



ذي حالتي والقهـر يمشي بتاليها
. . . . . .الواقـــع اللّــي به الأحـــلام معـطـوبه

شعر/ فضي الهدباني