ي الله عفوك

بسم الله الرحمن الرحيم ...
السلام عليكم ورحمة الله وبركاته..



#
يالله عفوك كل ما ضاق بالي




يالله عفوك كل ما ضاق بالي

يالله عفوك كل ماضاق بالي ... ويالله حلمك كل ما اصبحت وامسيت

ويالله صبرك من ضيقات حالي .. ويارب قوه كل ما ادبرت واقفيت

فكر بعقلك لا تغمض جفونك .. واخذ النصيحه جعل ربي يخليك

لاشفت ناس باللقا يمدحونك .. اعرف ترى هرج القفا ما يسليك

من يمدحك قدام عينك يخونك .. ومن يمدحك بقفاك بالقلب شاريك

احرص ع اللي ضاق صدره بدونك .. واترك صديق ٍ بالسعه دوم باغيك

بعض الصداقه للمصالح يبونك.. واليا اخذ المطلوب قل وش يبي فيك

عليك في ربع السعد ينفعونك .. لو واحد ٍ منهم عن الناس يغنيك

لاصحت ضايق كل ابوهم يا عونك .. ولا غبت عنهم ارسلو من يناديك

يرتاح لاشاف الفرح في عيونك .. ويضيق لا شاف الحزن في حكاويك

احدٍ على سر الصداقه يصونك .. واحد ٍ على سد الصداقه حكى فيك

ربع الرخا لاضقت صعبه يجونك .. وربع الشدايد واحد بس يكفيك