طوقتني من عناقيد الغلا والعقل رايق

إرحميني ياهجوسي من الهايب والحرايق=دام شيطان الهوا يلعب براسي من عشيه
لاتحديني على شنق الحبايب بالعلايق=دام نفسي مالها في نورعيني مقدريه
الحبيب الي قطفت أزهار حبه من الحدايق=ساعة فيها تلاقينا وقلبي في يديه
طوقتني من عناقيد الغلا والعقل رايق=وأعطت الولهان من كأس المحبة سم حيه
وانكسرمصباح حبي من عيون أم الفرايق=وانقطع حبل الوصل من دون ذنبا اوخطيه
ليتني قبل أعرفك يابنت جاء للقلب عايق=كان مادونت شعري في اليالي السرمديه
نامت اعيونك وصدري بات طول الليل ضايق=مهتني نومك وانا عيني من اسبابك شقيه
وأنقضي ليلي وأنا محتار في كشف الحقايق=والهواجيس ألعبتبي بين روحات وجيه
تهت في غبة بحر حتى ابتلينا بالشرايق=والعيون الناعسة زادت جروح القلب كيه
آه من حبا سطا فالقلب سبب له سحايق=والظنون أرست دعائمها وخلي شان بيه
بحت مكنوني لخلي بالدلايل والوثايق=وإنتثر دمعي من عيوني جرح وجنتيه
وأعتبر دمعي خيانه له وشي ماهو بلايق=للذي مثلي يمثل دور حبه بالخفيه
مادرى بأنه سكن فالقلب من دون الخلايق=لكن الخاين يحسب الناس مثله في الهويه
من غلاته ماسقيته غير من عذب الشنايق=لكن أغلق باب قلبه وأتهمني بالرديه
وانطوت صفحة حياتي مع حبيبي في دقايق=وانتهينا من علاقات الغرام الأوليه