: :السالفة: :

تصـدقـين اني عـرفـت السـالفـة قـبل تحـكين
لكـن تـصـنعـت الرـضا لين تحـكـين الســالـفه

جـيتـي وبعـيونـك قـريت انك نويـتي ترحـلين
كـنك على نقـض الجـروح اللي تشافـت حالفه

فـعلا قـدرتي نقضـها والله عـلى الفرقا يعين
قـلب الحـنين اللي معـك حـظ الشقا ما حالفه

ما عـاد باقـي للغـلا دمـعه ولا للدمع عـــين
نضحـك على انفسـنا اذاقلنا الظروف مصالفه

مـن غـيرتي..من حـيرني والشـك لا تســتغربين
استغـربي من بعـــدنا وقــلوبـنا مــتوالفه

اخـطـيـت احـسب اني معك بقطع مشاوير السنين
واثـر الطـريق يضـمـنا بس الخـطى متخالفه

لا للوفـا..لا للغـلا..لا للرضــا..لا للحـــنين
لا للدمـوع اللي تبي تسـقي العروق التالفه

انا هـويـت ومادريـت ان الهـوى طــفل حـزين
بكـى من اول ما حـكى..ماتـــم كل السالفه