سمعتو بأخر الاخبار ؟؟؟؟؟

ي مرحبا ومسهلا باحلى جمهور ,,,,,,,

في البداية الف مبروك ي عالميين الفوز <<<< الله لا يغير علينا ي رب قولو امين ,,,,

م ادري ابدا في الاخبار والا في فريقنا اليوم وامس وبكره ,,,,,,

ي جماعة فريقنا خلاص عاد حتى وانه ينقصه اشياء كثيره بس الهوية عادت بقي الكماليات ,,,,,,,

والله العظيم انا عن نفسي م ادري عنكم انتو نفس احساسي صرت اتابع المباراه وانا واثق ومرتاح ,,,,,,

لدرجة ان اليوم نص الفريق الاساسي في الاحتياط لكن م حسيت بالنقص ابو عمر / شايع /عيد / خالد الزيلعي / القيصر المصري نص الفريق ي عالميين برا وفريقنا ثابت ,,,,,,,

الخبر الاول ان النصر عاد وبقوه وحرك اعلامهم وبرامجهم لدرجة انهم شككو في الفيفا هههههههههههههه شر البليه م يضحك ,,,,,,,

عندي سؤال تذكرون يوم يغيب سعد الحارثي كنا نفقد الامل في الفوز الله لا يعيدها من ايام مع احترامي لسعد طبعا لكن كنااا وين وصرنا وين الحمد لله ,,,,,,,

تذكرون كلمة هاردلك ؟؟؟؟ الله لا يجيبها على السنتنا ي رب ,,,,,,,

ي جماعه كارينو مو طبيعي الله يحفظه ويستمر على ماهو عليه اصبح النصر ليس قائم على شخص وانما كيان منظومه يغيب من يغيب ويأتي من يعوضه ,,,,,,

الخبر الثاني النصر بيلعب نهائي بعد اربعه ايام اشتقنا ي حلو والله اشتقنا ,,,,,,,,,


تعالو على مباراة اليوم شوي طيب مابي اقرقر واجد نجي للزبده الزبيدي قادم بقوة اوفرات رائعه كنترول جميل تقدم مع الاحساس بالمسؤوليه في المناطق الخلفيه استمر ي بطل ومن قدك تلعب ولما تطلع يكون مكانك ابو عمر استمر غيرك يتمنى يلعب في خانة هالقائد ,,,,,,

فتيني ي شيخ روح الله يسعدك والله وربي ان بدايات غالب حتى م كانت مثلك ثقه روقان تسرع وتبطئ الهجمه على حسب مجريات المباراه كبير استمر تكفى ابتعد عن المجالس واللي ضيعو نفسهم اجعل اصدقاك جمهور النصر فهم المكسب وانت الرابح الاكبر لو استمريت ,,,,,,,

باستوس ي كبير كل مباراه هدف م شالله باستثناء لقاء الهلال لكن بعد اربعه ايام نريدك ترقص السامبا في مرمى السديري ,,,,,,,,


جميع اللاعبين كبار وادو الي عليهم وزياده واكيد كانو يفكرون في النهائي غريزه في الانسان شكرا لكم ي كبار ,,,,,

لن اتكلم عن اللاعبين كثيرا <<<< لدينا موضوع احصائيات ترا والله نتعب فيه انا وباقي اعضاء القروب ايه ايه جالس اسوق لموضوعنا ههههههههههههه يعني تواجدو في هالموضوع وابدو ارائكم وادعمونا وسترون م يسركم في هالمنتدى ,,,,,,,,


رسالة جوال النصر باغلاق التدريبات والاعتذار من جماهير واعضاء الشرف بصيغه ذوق ي شيخ ي نصر انا اسف الغيت اشتراكي في جوال النصر لان رسايلكم اول مالها اي معنى <<<<< اللحين نباارك وقعنا سنغلق تدريبات استعداد للنهائي هذي الرسايل والا بلاش اللحين بافعل ي نصر تسويق مره ثانيه هاااه ههههههههههههه <<<< لعبته الماركتنق ,,,,,,,,


نرجع للفريق مره ثانيه الهلال ليس انه انهزم اليوم انه فريق ظعيف لا انهزم من الشباب وبشق الانفس وعادو اليه المصابين عدم الثقه الزايده وعدم الخوف الموضوع نفسي بشكل كبير وهذي لعبتكم ي ادارة وي كوتش ,,,,,,,,


الا على طاري المقوله ان كعب الهلال عالي المباريات السابقه اوكيه ي جار اقتنعنا وفعلا كلامكم صحيح بس عندك خبر ان النصر كعبه اعلى في النهائيات ووضعه غير وبالارقام كما تستشهدون نحن ايضا نستشهد بالارقام هااااااه وش رايكم ي هلاليله ارقامنا والا ارقامكم اصعب ؟؟؟؟؟؟؟؟


سعود حمود شف ترا والله نحبك ي بطل بس واضح عليك انك زعلان من نفسك لكن الزعل م يرضينا م يرضينا الا الاداء في الملعب ترا جماهير النصر نست ايام حارثي حارثي حارثي وقامت تردد نصر نصر نصر من يعطي نحبه ومن لا يعطي مكانه الدكه وربما التنسيق وخاصه مع الوحش كارينو شد حيلك وارجع لنفسك قبل لا ترجع لقلوبنا كجماهير اتمنى انك تفهم قصدي خفف وزنك واشتغل على نفسك وارجع ي غالي ننتظرك ,,,,,,,,,


جمهور النصر تعالو من جد ابيكم عاجبكم حضوركم اليوم في الملعب كنت اتوقع اننا بنزف النصر للنهائي اليوم خيبنا ضن لعيبتنا وما خيبو ضننا اهم مو عيب علينا م نردلهم الجمايل وليس الجميل وسيفرحونكم كمان وكمان باذن الله الجمعه نبي الدره فل ,,,,,,,,,


اخيرا اليوم وانا اتفرج للمباراه فرحت بهدف باستوس وجلست على الكرسي بعد الهدف وجلست اناقش نفسي وسرحت عن المباراة دقيقتين تقريبا تدرون في ايش سرحت <<<< سرحت في الايام الي كنت احضر وارجع وانا حزين تعبان مرهق من الحضور ندمان على تشجيع اشباه لاعبين ي سبحان الله هالموسم احضر وافرح واتشجع للقادم واتفائل واثق في فريقي واراهن عليه واتناقش بالارقام ايضا شكرا كح كح شكرا لاعبين النصر ,,,,,,,


اسف على الاطاله بس حبيت اقول للاعلام الزعيقي ترا النصر لو نفوذه قوي لدرجة انه يسجل لاعب من غير نظام كان لعبنا الدوخي من يوم سجلناه وكان م راح مننا حسام غالي في اهم وقت محتاجه الفريق ولا كان اول تهديد بعدم تسجيل اللاعبين يصل للنصر وكان م انشال كرت الفرج زي ما عملتو وكان اجلنا لنا مباراه والا مبارتين بدل الضغط الي صاير وكان اللحين حنا متصدرين الدوري وانتم تنافسون على الرابع وليس نحن وكان وكان وكان والله لاقعد ايام اذكركم ,,,,,,,,


النصر واسطته ونفوذه في الملعب باذن الله فمن جعلكم تنبحون هوا عودة النصر ,,,,,,,,,


الا على طاري لاعبنا الطويل وش رايكم نلعبه حتى لو ما عنده لياقه والله يالسديري تمغط اليوم من رأسيات الشباب الثلاثه هههههههههههههه ,,,,,,,,,

نلتقي على نصر باذن الله ,,,,,,,,,