الفانتاستيك

المقادير :
شوكولاته جالكسي ساده ( العدد حسب الكمية انا 8 حبات يسوولي مايقارب 20 حبه اتوقع )
كيك سفن دايز بالشوكليت برضو ماله مقدار معين .. خذي كرتون والباقي نقنقي فيه
كريمة بيتي كروكر بالفانيلا " بالطريقة الاصلية اللي خذيتها كان فيها كريمة بس انا استغني عنها لاني اشوفها مش ضروريه طالما انو الكيك نفسو فيلو كريمه اصلا وبعدين نستخدم كميه والباقي ما نستفيد منو "
بسكويت شآي مطحون باليد " برضو اشوفه مش ضروري "
ورق بليسيه اصغر حجم او تقدر تستخدمي صواني السيليكون الصغيرة
الطريقه :
تذوبي مايقارب ثلاثة ارباع كمية الجالكسي اللي عندك , لو عندك زبده ذوبي شويه منها مع الجالكسي لو ماعندك حطي زيت ,, لكن شوويه انتبهي تزودي ..
ليش نسوي كذا ؟
كلنا عارفين لمن الجالكسي يجلس برا الثلاجة يذوب وخصوصا لمن نذوبه بعدين نرجع نجمده يذوب بسرعه اكبر ,, فنحنا نحط زبده او زيت عشان نحفظه من الذوبان لأطول مده ممكنه ,,
طيب لو زودنا جرعة الزيت او الزبده ايش ممكن يصير ؟؟
انا بصراحه جربته مع المارس ذوبته مره و زادت علي جرعة الزبده بعدين لمن جمد وجيت بآكله صار قوووي مررره وصعب ينأكل ,, فأتوقعت مع الجالكسي ممكن يصير نفس الشي ..

نرجع لمحور حديثنآ ||
بعد ماذوبنا الجالكسي نجيب ورق البليسيه
وندهنه بالجالكسي من القاع والجوانب وندخل الورق المدهونه الفريزر عشان تجمد ثم نطلعها وندهنها بطبقة ثانيه من الجالكسي ونرجع ندخلها الفريزر تجمد ( عملية التجميد حتى ستغرق منك مايقارب 5 دقايق )
في هاذي الاثناء نجهز البسكوت المطحون و نقطع كيك السفن دايز قطع صغيره تناسب حجم الورق اللي عندك ونجهز الكريمه .. نطلع الورق ونحط طبقة خفيفة من البسكوت المطحون و بعدها الكيك وآخر حاجه طبقة خفيفة من الكريمة ( لو بتستغني عن الكريمة والبسكوت حتحطي بس الكيك )
الحين كل حبة تسويها على طول تحطيها بالفريزر , , بعد ماتخلصي كل شي تذوبي باقي كمية الجالكسي و تخرجي الورق من الفريزر وتغطي الوجه بالجالكسي ..

وخلاص دخليه الفريزر يجمد لوقت التقديم طلعيه من الفريزر وخرجيه من الورق واقلبيه ,, لو حابه تزينيه تقدري تزينيه بخطوط من الكريمة اللي استخدمناها بالحشو ..


م/ن