ماهوب كفو الوقت حبك يمحيه .. يلي تخاف صروف الأيام تمحاه

ماهو كفو الوقت حبك يمحيه .. يلي تخاف صروف الايام تمحاه
ارتاح دام المواصل بيقويه .. انت انت وانا وقلبي وهو وياه
حتى لو بتغيب ذكراك تكفيه .. ياواحدن تكفي عن الناس ذكراه
حبك في رملة خفوقي مواطيه .. ورياح عقلي عنك ماتمسح خطاه
اخفيه يوم الفيت والحال يبديه .. ابعد واحد ينظر الحال ويقراه
معطيه طيب ومعتنن به وحاميه .. عن كل عين ودها تنزل حماه
قلبٍ يحبك والهوى الذرب ماليه .. كانك مكذبني شوف بعينك تحلاه
شرط ان تشوفك فيه منت حواليه .. ويمكن تشوف ديار واماكن يرعاه
وبتشوف تمثال والوقت هاريه .. وبتشوف زرعن ميت وواقف ماه
وبتشوف جرح فيه سكين راعيه .. راح ونسى السكين والجرح ينخاه
لاتنزعج هذا خفوقي وباقيه .. ولاتتضايق من تصدع زواياه
قد زلزله فرقى وهزت عراويه .. والله ستر والحظ عانه وعافاه
كأنه صلحلك واعجبك زيد تبنيه .. ابنه وجهز للمقاديم مبناااه


وسلامتكم

للشاعر القدير ابن فطيس

ارجوا ان ينال اعجابكم .. تقبلوا فائق الاحترام .. اخوكم
نــصــرنـا