القصـــــه الممنوعــــــه

قصيدة \ وجودك
=====
وجودك والرسمته ثنينهن طيف
باتن على عيوني حلم مرسوم
علي عطرك يمر واتوسده فراش
وافز من حلمي حاضن بس الهدوم
اثر عطرك يفوح بروحي سجين
وعليه تراب جي تذكار مضموم
بعيوني شهكَتك نضرة وداع
وتخنكَني بجفاك احزان وهموم
أنه بواهس طيوفك شابكَـ الروح
وكَلبي اعله المحاضن فشلته تحوم
على طول السجج نومت الك ريل
وخنكَه بكل محطة مثل جيثوم
على جتافي الشمس دكَتها الايام
ويمر حزنك شته وبعادك غيوم
من كثر المناطر طاحت العين
شني متاني كَبر بل فركَه مطموم
اشوفنك هلال وانته ماجاي
وفطرن بيك عيد واكَطع الصوم
عد الناس عشره ايام عاشور
وانه عديت هجرك لطم للدوم
ثمل جرحي ولاريده يصح باك
يبعد طيفك وكَلبي يصح باك
يهنياله الفرد ليله يصح باك
ويجيب الليل لعيونك هديه
تحسين العكيلي.