قصيدة / هموم المغترب بعد اتصالي ببنتي الصغيرة

السلام عليكم ورحمة الله وبركاتة
خـــواتم مباركة وكل عام وأنتم بخير
وعيدكم مبارك وعساكم من عوادهـ
ــــــــــ
بعد ان اتصلت ليلة البارح وكلمتني بنتي الصغيرة
عمرها ثلاث سنوات واربعة شهور
طبعآ تكلمني دائمآ بس البارح تمنت اني عندهم من
أجل يوم العيد .. واثرني كلامها وكتبت
هذي الأبيات اتمنى تنال اعجابكم . كما
اتمنى ان تعذروني عن اي غلط او خطاء
فالمملكة وطني الثاني وعشت فيها أكثر سنين عمري
واحبها واحب شعبها واتمنى لهم الخير والآمن
والامان والتوفيق .. الان الى القصيدة
ـــــــــــــــــ

العيد جاء والناس فرحانة نعم ** والهم والغربة تعذبني عذاب

كلن مع اولاده وربعة مبتسم ** وأنا في الغربة نصيبي في الغياب

الى متى والعظم عاجز وانحطم ** والقلب والريتين تشكي الالتهاب

أبومقبل ابني الجرح عاده ملتأم ** من باطل الغربة وطول الاغتراب

مسافر وعاد البنت مابتقول عم ** واليوم ماشاء الله تسأل ايش جاب

واذا اتصلنا قالت ابكي الدمع دم ** من غيبتك يابوي دمع العين ذاب

قلت اصبري وقالت الصبر انعدم ** تعال او جيناك شيبتنا وشــاب

من دونك الدنيا ومن فيها ألم ** حتى نهار العيد من دونك خراب

أبوس راسك بوس رجلك والقدم ** تأتي وتحضني تراء بعدك عقاب

ان كان لأجل العيش هذا لي قسم ** وان كان لأجل اللبس ماودي ثياب

ودي اشوفك ياضماري المحترم ** انته معي في العيد ياضل السحــاب

وقلت يابنتي دموعي تنحطم ** من ذي تقولي ياعيوني والحجــاب

لو الود ودي كان جيتك والعلم ** أبوس راسك وانحني بوس التـراب

لكن ذا مكتوب مثل المتهم ** للمغترب يعيش الأيام الصعاب

اعطي لمقبل خوك دفتر والقلم ** يكتب سنة من بعدها بحجز ذهاب

ماريدشي الغربة ولو الرزق انعدم ** والموت شوفه حق من فوق الرقـاب

اذا كتب لي عيش جيكم لا فقم ** عدن عدن ياتاج راسي والزهــاب

اشتاق قلبي للقاء واصبح مهم ** اشوفكم من بعد غيبة واغتراب

ـــــــــــ

الشاعر / أبو مقبـــل
طائرعدن نصراوي