وش بقى بعطيك

يا وش بقى بعطيك مني ولا جاك

ما باقي إلا روحي أحيا بها لك

أوصف جمالك كل ما نشدت وأهواك

وأزين أيامي بجلسة خيالك

يا الغايب الحاضر بقلبي ولا ألقاك

أقرب من عيوني وصعبٍ منالك

شالك زماني عن عيوني و ودّاك

لاشك وثق في ضلوعي حبالك

يا حاجبٍ شمسي ورى ليل جفواك

ما بالعهد بك قاسي في دلالك

وش غيرك يا منوة القلب وأطغاك

على حبيبٍ ما تخير بدالك

دنياي ما تصلح بلا شمس دنياك

واللّيل يوحش لو تغيب هلالك

ولا تشوف العين زين بلياك

ولا يطرّب سمعي إلاّ مجالك

ولا انتفض قلبي من الحب لولاك

ولولاك مايبدي علي مابدالك