تقاسيم ع الاوتار

:

.

قسم على اوتار قلبي وغني

كلمة احبك خلها بين الاوتار


خل القصيده تحك عنك وعني

نرسم لها لحنٍ ونقرا بها افكار


انت الذي ناجيت شعري وفني

خليت عقلي بين الالحان محتار


يامن ملكت البال فكري وظني

منك ترى قلبي مولع بالاشعار


ياللي خذيت الروح صرخات مني

حيرتني ما بين بوحك والاسرار


انا سجين العين حبك سجني

غيرك ابد ما احب لايمكن اختار


كل المشاعر في الهوى عاهدني

وانا وفي العهد لو صار ما صار

..

انتقا

الدانــــــــــــة

.