كـل عام يمرنـي وأنته عن عيوني بعيد...!!

كـل عام يمرنـي وأنته عن عيوني بعيد
بالحزن..! (أستقبله) و(أصافحه) و(أودعه)...؟!

وكل عام (أترجم أحساسي) من فراقك قصيد
وأقول ياليت القصيد اللي كتبته (تسمعه)

عل وعسى تشتاق لي .. والشوق في قلبك يزيد
ﻻ‌دريت أن الجروح بقلب (...) موجعه ..!!

ياكثر من قال (خله) والمحبه ماتفيد
وياكثر ماقلت (أحبه) من يجيه ويقنعه ..؟!

علموه أني ذكرته بأول العام الجديد
تكفون من يقدر عقب ماغاب .. لي يرجعه .؟

أشتاق له كثر أشتياق (الجد) لعناق (الحفيد)
وأتحمله كثر أحتمال (السد) موج ٍ يدفعه


وأحتاج له كثر أحتياج القلب دايم للوريد
وأنفعه مثل العشير اللي عشيره ينفعه


ذاب قلبي في غيابه مثل ماذاب الحديد
يوم ولعني وخﻼ‌ نار قلبي مولعه


أشهد أنه مارحمني يوم خﻼ‌ني وحيد
طاوعه قلبه يغيب .. وكيف قلبه طاوعه .!


ماسمعت .. أﻼ‌ .. شطر .. ويحـّرك شعور البليد
(ضاقت الدنيا بشاعر طيب قلبه ضيعه)


آتمنــاه .. وأريـــده (والله يفعل مايريد)
وكان مكتوب الغياب..! شـ حيلتي .؟ و كيف أمنعه ..؟؟


علموه أني (فقدتــه) ياعسى عامه سعيد
وعلموه أن (القصايد) فـــي غيابــه تتبعـــه


كل عام يمرني .. ياﻸ‌سف .. مامن جديد
بالحزن (أستقبله) و(أصافحه) و(أودعه)..؟!