البارحه

بسم الله الرحمن الرحيم


السلام عليكم ورحمة الله وبركاته

من ابيات الحكمه للشاعر الكبير رحمه الله



سعد بن جدلان


البارحـه يـوم الاوادم خواشـيـع
في نومها وناعلى الكـوع واعـي
هم(ن)يمزع سترة القلـب تمزيـع
تقول ينهش ثومة القلـب افاعـي
خذت القلم من بين روس الاصابيع
وحبيت اميز سيرتـي وانطباعـي
عزلت من صدقان عطلةالاسابيـع
وعزلت من ضحك الوجيه الصناعي
وعزلت من بنين بامالي مشاريـع
جميد برد ولانس الشمـس ماعـي
وعزلت من زرع الخلـي البلاقيـع
وعزلت من رفـع الثنيـه رباعـي
من نفعة اللـي ماطلبنـي منافيـع
جميلة(ن)في غير اهلهـا ضياعـي
في اسواقها ماعاد لشري ولابيـع
لخطيت من رفقة طويـل الذراعـي
اللي على الرفقه يسوقـه دوافيـع
هـذاك تشـرى رفقتـه ماتباعـي
امايشجعني على الطيـب تشجيـع
والايعلمنـي حمـيـد المسـاعـي
والا ليامنـه رمعـنـي روامـيـع
وضاقت على كل الفجوج الوساعي
جيته ويسرلي عسيـر المواضيـع
وخلاخفايا خاطـري لـه وساعـي
معرفتـه ماهـي معرفـة طماميـع
ماتنتـج الاالغطرسـه والضياعـي