قدر الله وماشاء فعل وليست نهاية المشوار

السلام عليكم ورحمة الله وبركاته

هذي اول مشاركه لي في صوت جماهير الوفاء

اولا / هاردك لكل عالمي
ثانياً / والله اول مره ينهزم النصر ما ازعل والا اتضايق ولا احزن
رغم ان الصداره راحت للجار لاول مره احس عندي فريق يبرد الخاطر فالملعب
ولاكن على الجميع الانتباه لنقطه كنا نفتقدها فالنصر كثيراً الا وهي الرجوع للمباراة
وايضاً كاد النصر يتقدم
لولا العارضه وضياع بعض الفرص .
للامانه صرت ما اخاف نفس اول صرت اتوقع النصر يتعادل ويقلب النتيجه باي وقت
سواء جاء الدوري او راح لفريق الجار
( انا معجب جداً بالنصر ولازال النصر ينافس على اكثر من بطوله ولازال ينافس على الدوري وباذن الله تعالى ليس مستحيل على رجال العالمي )
لنكن عقلانيين ترى الفارق مباراة واحده كفيله بقلب النصاب وارجاع الصداره للعالمي
ولازال فالملعب 9 نقاط كامله
صحيح ان فريق ابو صياح لازال متقدم علينا ولاكن والله متفأئل بشكل لا يصدق
واول مره احس الدوري نصراوي باذن الله .
بشرط لعب النصر في الثلاث مباريات القادمه من الدقيقه الاولى الى نهاية المباراة على انها مباراة نهائيه وعدم الاستهتار بالخصم .

بالتوفيق للكتيبه الصفراء
وباذن الله تعالى الهلال بيتعادل في وحده وهي ابعد توقعات الجمهور
وهي ( الاتفاق ) وبذكركم باذن الله تعالى .
يكفي كسبنا مدرب جيد ولاعبين مثل مرابط وحمدالله وبيتروس ومايكون
واسف على الاطاله