الكلاسيكو في كاس الملك

السلام عليكم ورحمة الله وبركاته وش حالكم طيبين يا اهلين وسهلين وش ذا النور اللي يخزي العين على العموم ماهوب هذا موضوعنا موضوعنا في بالي شيء لو يطبقه فيتوريا اليوم بإذن الله فايزين اول حاجه لازم نبدأ المباراة ضاغطين على الاهلي في ملعبهم مايكون يكون مهمته عمر السومه لا يستلم كوره لو يرجع لنص الملعب يروح معه عبدالله الخيبري في حالة تقدم مايكون عشان يراقب عمر السومه برا المنطقه يرجع يغطي مكانه مرابط يروح على الطرف وينزل للنص والخلف يدخل جوا المنطقه مع حمدالله ومارتينيز يدخل الكوري يروح على الطرف الثاني خالد الغنام لاعب حر والصليهم دايم يكون برا المنطقه في حال رجعت الكوره العرضية من المدافعين يشوت في حالة ارتدت الهجمه علينا حمدالله ومارتينيز يضغطون على قلوب الدفاع والمحاور والحارس في حال نجحو بالخروج بالكره يتحول اللعب لطريقه قريبه من 5/4/1 الخيبري يدخل منطقة الجزاء يكون مراقب للاعب اللي يجي من الخلف مايكون مع السومه ومادو يكون قشاش مرابط يضغط على اللاعب اللي في الطرف اليمين والغنام على اللي في اليسار والخلف والكوري يكونون قدام المنطقة من الأطراف يمنعون دخول اللاعب لمنطقة الجزاء او لعب العرضيات ومارتينيز والصليهم قدام المنطقه يمنعون اي لاعب من الدخول للمنطقة او التسديد وحمدالله يكون قبل خط النص وبس وبإذن الله فايزين اليوم وأتوقعها واحد صفر للعالمي من حمدالله
علموني ارائكم ياجمهور الشمس