رساله مهمه

سلام يا جمهور الشمس
ارحبو ملايين يا عالميين وش حالكم طيبين اليوم في بالي رساله مهمه جدا لجمهور الشمس لمدرج الوفاء
اليوم لازم نكون كلنا يد وحده خلف الكيان ومع الرمز الداعم الامير خالد بن فهد ويجب ان نقدم مصلحة العالمي فوق كل شي تاكدو ان الأعضاء الذهبيين لنادي النصر والأمير خالد بن فهد ما راح يختارون إلا اللي بيخدم هذا الكيان العظيم فارس نجد الاستثنائي واللي قلبه ما يعشق إلا النصر صفوان السويكت الحلافي الإدارة السابقة شكرا على ماقدمتوه بيض الله وجيهكم على محاولتكم مرحله وانتهت يجب ان ننساها وهذا الوقت ماهوب وقت محاسبه وانتقاد لصفوان ولا لغيره باقي قدامنا الموسم هذا كاس الملك اللي بإذن الله راح يرجع لدولاب العالمي وباقي قدامنا اسيا اللي طلعنا منها في اخر سنتين بسبب قذارة تحكيميه 2019 نطلع بهدف تسلل و2020 اكبر مجزرة تحكيميه في تاريخ كرة القدم ارتكبها تقي ومخادمة والله ما اتذكر قد شفت بلنتي اوضح من بلنتي عبد الفتاح عسيري يرجع تقي للفار ولا يحتسبه وبلنتي ثاني لحمدالله ما يحتسبه ولا يرجع للفار كلنا ندري انهم ما يقدرون يوقفون العالمي إلا بهذي الطريقه لكن صدقوني اذا تكاتفنا ووقفنا وقفة رجل وراء هذا الكيان الكبير وحضرت روح نجوم العالمي راح نجيب الكاس واسيا من فوق خشم الاتحاد الاسيوي واكبر حكم في اسيا.