تعبنا يانصر....

أول مره في حياتي اشوف مدرب محتاج يسجل هدف و يبدل أهم لاعب عنده في خط الهجوم

دراغان جرد النصر من أهم اسلحته ..سعود حمود

تغيير غريب ما له اي مبرر ..غير أن المدرب غبي ..لا يجيد لعبة التغييرات ..!!

النصر الآن خارج الآسيويه ..و ليهنأ من أحضر زينقا و الثلاثي الأجنبي الفاشل و من ثم دراغان الغبي ..!!


نقطه ثانيه ..

للأسف بأن الكابتن اللي المفروض يكون أهدأ لاعب في الفريق ..خصوصا و أن النصر تهمه المباراه اكثر من الإتحاد

لكن رأينا حسين عبدالغني ..يكرر حماقاته ..و ينجرف إلى حيث يريد لاعبي الإتحاد ..المتعودين على هذا النوع من الإستفزازات ..!!

حسين أحد اسباب الخساره من الإتحاد...الخطأ اللي ارتكبه على مشارف منطقة الجزاء لا يرتكبه لاعب كبير مثل أبو عمر لولا الحاله النفسيه اللي تصيبه في كل مباراه أمام الإتحاد ..!!


و من حسين عبدالغني إلى محمد عيد ...مدافع لا يليق بنادي كبير كالنصر ..!!

و ما أقول هالكلام من خلال المباراه ذي بس ..لا ..رأيي في محمد عيد من أيام ما كان في الأهلي ..لاعب يفتقد لمقومات المدافع الناجح ...!!


هاردلك يا نصر ..و حقيقه بمثل هالمدرب و هالعناصر الأجنبيه و بعض اللاعبين المتواضعين ..لا نستحق التأهل ..!!

يعطيك العافيه شكرا ,.

يا اخوي التعب راح يستمر معنا ما دام هذه حال الإدارة ..

الحمد الله رب العالمين . اللهم لاعتراض

راح الكثير وما بقى غير القليل

بدون مبالغه ،،
الحين انا بحآله هستريه ..!!!

المدرب :

بدل عمر هوساوي مكان عبدو برناوي وخل عمر ظهير وعبدو قلب >> نمشيها
تطلع عبدو الى كان ماسك نور وترجع عمر مكانه الاساسي وتنزل لنا خيبري افشل ظهير سعودي >> حسبنا الله ونعم الوكيل بعد نمشيها

بس قصة انك تسحب مهاجم وتنزل لنا لاعب بارد او بمعنى اصح ناعم الى هو القحطاني لااحتكاك لاضغط علي الكوره
وهذي المباريات نحتاج الضغط علي الخصم وتطلع مين سعود حمود صح ماادي بس كان شايل الضغط عن النص
لانه ماكان يخلي المدافعين يتقدمون كثير


حسين :

هذا الاعب سريع النرفزه ويجعل لاعبين النصر متشنجين وتفكيرهم بالمشاكل ومو بالكوره
هذا الاعب في اكثر من مبارة يتخلي عن الفريق ويخرج اصابة وهو مافيه شي والشواهد كثيره

سوال بعد ماراح حسين من الاهلي
شفتو مشاكل تصير في ديربي الغربيه

بس لما جانا حسين صارت المشاكل في ديربي الغربيه وكلاسيكو الوسطى

هذا الاعب سالبيته اكثر من ايجابيته اتمنى الادارة تعيره او يعتزل بس المهم مانشوفها الموسم القادم

الى يقول حسين خبره ارد عليه اقول عندكم سعد يكفيكم صح مستواه طايح بس اخلاقه طيبه وروحه حماسيه وتحفز الاعبين

لم ولن استحي وانا اقول انك حبيبي يانصر
وسابقى اقول احبك واحبك واحبك *
ولكن لن اسكت لمن يحاول تدميرك
مهما كان من رئيس نادي ولا نائبه ولا الاداري ولا المشرف العام
هم اول من يتحاسبون على ضياع تاريخ النصر *
من لم يستطع السير بالنصر الى مكانه الطبيعي عليه ان يتنحى من منصبه سواء اداري او لاعب

امثال ( احمد الدوخي * حسين عبدالغني * سعد الحارثي )
احمد الدوخي خلاص ماعاد عندك شي جديد اعيدو ابراهيم هزازي *
حسين عبدالغني اذا يلعب الموسم الجاي عليه ان يلعب كل المباريات الا ضد الاتحاد لا يلعب لانه مصاب بعقده اتحاديه وهذه الصراحه *
سعد الحارثي كفايه مجاملات له وكانه مافي في النصر الا هو الافضل

سعد الحارثي انا معاك ياغالي
انه لاعب منتهي ويظهر في مبارة ويختفي في عشر مباريات

بس اخوي الاندية السعوديه لازم يكون فيها قائد روحي للاعبين الاخرين
انا اشوف بقاء سعد مطلب لموسم واحد فقط الى هو الجاي وتسريح حسين والدوخي والخيبري

واتمنى اتمنى تكون الكبتنيه في يد عبدو برناوي اشوف فيه مواهلات القائد

يعطيك العافيه اخوي ....


بأذن لله القادم اااحلى ... بوقفة الجماهير

النصراويه العاشقه للكيان فقط ...