لعبه حصريه لمبدعي الشعر

لعبه حصريه لمبدعي الشعر

مساءكم شعر







لأن الجمال لايرتوي إلا بـ حروفكم

نقدّم لكم جزء من لعبة التحدي للشعراء والشاعرات

,

وصف اللعبـهـ

أن يَرُد الشاعر على الآخر بأبيات تبتدي بـ آخر كلمـهـ ينتهي فيها الشاعر الذي سبقـهـ

بـ شرط

أن تكون الأبيات من إبداعات العضو / ولايُمنع المنقول

تنويـهـ بسيط

قد تَحصُل حوادث شعريّـهـ ^_^ بـ حيث يطرح الشاعر مشاركتـهـ ويُفاجأ أن هناك شاعر سبقـهـ بالطرح

فـ يلزم عليـهـ آنذاك أن يقوم بـ تعديل أبياتـهـ بـ حيث تتوافق أول كلمـهـ بـ الأبيات / مع آخر كلمـهـ في أبيات الشاعر الذي سَبَقـهـ

مثـــــــــــال

بعزا ندوم وكل مطرود ملحوق...... وجزل المعاني نبدعه مانتحذا

ولانستهين بكل مسلم ومخلوق...... ودلايل الحكمه بها نستلذا

طلع الشجر ينبت على جذع وعروق ....ويعرف من المي الكثير ايتغذا

ايتغذا القلب في شوف الحبيب ،، لو وقف نبضه وشفته ماعلي


جادلـ (ن )في شوفها جرحي يطيب ،، والله اني في غرامه مبتلي


غاب عني بس ذكره مايغيب ،، عنه اسأل دومــ وعـــنـي يـــسألــي

فكرة رائعه وجميله ودنا نشوف محاورات الشعراء صدقني انا من رواد هذا الموضوع للاستمتاع باشعاركم الحلوه
ولو كنت املك الموهبه كان شاركتكم بعنف في الموضوع لكن المبدعين كثير وبنشهد تميز وابداع هنا غير
اهلا فيك بيننا في قلب الوفاء

ياعيونن تغرق بالمدامع هدبها**ما بكيتي على وضح النقا من جراتك
المفارق يزوّد فالمحاجر لهبها**والصبر ما غدا عقب البطا من صفاتك....
الف شكر لك اخوي على الموضوع الشيق اللي اتمنى ان يتفاعل معه الجمييع ومن خلال تفاعلهم يتم تثبيت الموضوع اشكر لك الراي الرائع والى الامام...

ملاحظه/ مو على كيفك ياعاشقه مادام دخلتي في الموضوع لاززم تشاركي ولا وش راي google....

هاااي
اختي عاشقة فارس نجد
انا قلت مو لازم تكوني شاعره
جيب قصايد منقوووله

كلامك صح خيو
لازم تشاركي ياعاشقه
ملاحظه**
اخي نصراوي العصر تبتدي القصيده بــ( يسألي ) بأخر كلمه ابتديت بها

على راسي ابشروا عاد فحط كثير في النت مالقيت شئ عن صفاتك في اول بيت قلت مابدهاش يا بنت اعصري الجمجمه لو انك تسرقين لك كم قصيده وتنظمين بيت واحد ههههههههههه عاد نصراوي العصر ماقصر معانا علمنا كيف ننظم قصيده بس لو طلعت مكسوره والا معطوبه لا تدققون بليز

صفاتك غير يا عذب الصفات --------- انت تامرني وأنا اقول لبيت


والله هذا اللى طلع معايا واستروا ماواجهتوا هههههههههههههه حسيت اني سعد علوش على غفله

هههههههههههههههههههههه احلا عشوقه برافووووا انتي اطلق من
شلعر المليون ونبي نرشحك بأذن الله لشاعر المليون يمكن يجي من
وراااااك جائزة قيمه خخخخ حلم ابليس ههههههههههههههههههه
المهم لاتضيعي علي حبل مدري سلك افكاري خليني انط بقصيده عصماء

تدري وش اكثر شي يجيب الاوجاع
لامن وضعت القلب في يد لعاب

همه تسلي فيك والا له طماع
وانته حصيلك بس اهات واتعاب

يالله عسى حظه مع الوقت يلتاع
اللي فعوله تندرج تحت الارهاب

وينزل من القمه الي واطي القاع
في حفرة مردومة مالها باااااااااب

لو يصرخ الاهات مافيه سماع
وماله عوين لو يحاول بلااسباب

وسلامتكم
والمعذره قصيده بدون تركيز وعلى عجل لاني صراحه في سفر

موضوع قيم بــــارك

الله فيك الله يعطيك العاافيه

باانتظار ابدعاتك القادمة