قصيده في المقناص

اخواني الاعزاء

السلام عليكم ورحمة الله وبركاته ...
في البدايه احب اوضح لكم بانني من الناس الذين تولعو بالصيد في الربع الخالي(الرمله)
وكان بعض الاقارب يقولون لي لما انت متولع بالصيد هناك الى درجة كبيره..وماذا وجدت فيه ..؟
وحاولت ان ابين شعوري لهم بمدى سعادتي بهذه الهوايه...وكتبت الابيات التاليه...

متولع(ن) بالصيد مانيب تايب ----- هذا هوا نفسي وشفي والاوناس
افرح الى قمنا نشد الركايب -----واحرص على اللي خوته ترفع الراس
اللي معي يفرح ولاهوب غايب ----- وافرح بهم جنبي على قوة الباس
نبي الرفاقه من ربوع(ن) حبايب----- واهل الردى منا بعيدين الارماس
نبي نعيد ايام ذيك العجايب -----نذكر مقانيص(ن) ولاهي مع الناس
نفرح الى طحنا بأثاري اللعايب----- نسحب سحيبتنا ولو كان تنداس
نفرح الى صفت ومابه هبايب ----- تاطى سحيبتنا وهذا هو الساس
ومن خلفها القصاص والحال طايب----- يقصها قصاصها مبعد الياس
يقصها بركود مابه طلايب -----ما أحد(ن) يعكر له مزاجه والاحساس
والطير عندي له علوم(ن) طرايب----- اطرب على هده والافعال نوماس
يطلع وطلعه للحباري مصايب ----- يفعل فعل مايفعله كل قرناس

شعر/عبدالله الضويان
اتمنى ان تحوز علي رضاكم


ولا ماني من أهل الصيد

أختياااااااار ااارئع
مشكوووووور وماقصرت ياغاااالي على النقل

الله يعطيك مليون عافيه على النقل المميز فعلاً ،،

قصيده ممتازه وانتقاء راائع الف شكر لك اخوي ولاهنت...

موضوع قيم بــــارك

الله فيك الله يعطيك العاافيه

باانتظار ابدعاتك القادمة