ماهو بكيفك للشاعر حمد السعيد

ماهو بكيفك تواصلني وتقطعني
امــا غلا بيـن او فضهـا سيـره

ياشين لا جيت تقطع لا توادعني
ليتك تعرف الوداع وشلون تأثيره

يا ماخذن حب اللي فيني وسمعني
حب على كبر صعب ابدل بغيره

ابحتفظ فيك وادري منت نافعني
يمكن مع الوقت اقول محبتك خيره

والله تدري وش اللي معك دافعني
اني معاك كنت امارس اخر الغيره

واحب فيك البرود اللي يقاطعني
لو ما تكلمت صمتك صعب تفسيره

ياللي عليك البشر شفها تقاطعني
منين ما اوجه الهقوات لك سيره

يا شينها من الخوي قوله تقاطعني
ماغير شره ولا انت شايف خيره

وياشينها منك لاجيتك توزعني
في عذرك اللي على الظرف تأجيره

شف كبر صبر البشر ماعاد ياسعني
واكبر هموم العباد اشوفها صغيره

وش جاك مني خطأ يومك تبيعني
في سوقها لك اسوقها جيره

انا اذكر انك الا من قلت دلعني
القلب هانت على شانك مشاويره

يا مشغل القلب بين تحبني ويعني
شفني عليك احترق يا سيدي حيره

مرات اقول اتركك لا شك يمنعني
شي يقول اعذره واقبل معاذيره

ابحتفظ فيك وادري منت نافعني
يمكن مع الوقت اقول محبتك خيره

الله ابيات جميله صح لسان الشاعر
وسلمت يداك يامبدعنا
على طرحه هنا راق لي

انتقاء في غاية الروعه الف شكر لك على النقل ولاهنت...

رؤوؤووؤوؤوعـ’ـ'ــ'ــ'ـﮧ
وربــ’ــٍ’ــ'ــ’ـ ــ'ــ’ـيـ ـﮯ

قصيده رائعه جدا من شاعر كبير يتميز بسلاسة
الطرح وجمال المفرده
اشكر اخي على الانتقاء
ضامي بطوله