تخيل من تعرفنا ولامره لحقته عيب

*
يسعدلي أيأمكم

,

اببعد والطريق اللي يودي ياعساه يجيب
............... بدالي واحدن تلقا معاه اللي تمنيته

مدامك شايف الفرقا امل خيره وراي مصيب
............... انا حاضر على امرك وامرك ماتعديته

انا الغلطان واستاهل جفاك ومنك التجنيب
............... على فكره ترى ماهمني بعدك وتشتيته

كثر ماهمني شخصن بداية بعده التعذيب
............... قسم بالله مامثله من الاجواد خاويته

حسافه يالحبيب اللي من يديني زمان قريب
............... ترك دنياه من شاني ولجل دنياك صديته

هذاك اللي خلق ربي حياته كلها من طيب
............... تضيق بعيني الدنيا واشوف الخير لاجيته

تخيل من تعرفنا ولامره لحقته عيب
............... ذكرني والمصيبه ياكثر ما انا تناسيته

كبير الفرق مابينك وبينه ولسؤال مجيب
............... اذا ردت على فعلك وصيته وفعله وصيته

علي لاضاقت الدنيا وجيتك عن عيوني تغيب
............... وهذاك ان ضاقت الدنيا وجيته فاتحن بيته

كلامه .. فلة حجاجه .. سلامه لابدا الترحيب
............... كبير بكل حالاته .. انا وشلون خليته !!!

عطاني كل ما اطلب بلا منه بلا ترتيب
............... على اقصاه يمكن الف مره بس حديته
تركته ايه ما انكر وعذري دايم التجريب
............... غريبه قصتي وياه والاغرب كيف جافيته !!

اشوف الدنيا صغيره بعيني اوكره التغريب
............... اضيع شهور عن دربه وارد انكان دليته

اجيه استسمح ارضاته واطالب حقي التقريب
............... انادي اسمه الثاني عشان ارضاه ناديته

حكاية اسمه الثاني بسيطه ماتبي تحسيب
............... عطاني اسم غير الناس بلحالي وسميته

انا متأكد ان جيته ودمعي سايلن للجيب
............... بتصغر كل هالدنيا مثل ماضقت وابكيته

كبير بقلبه بحبه كبير ولا ملاه الشيب
............... يقرب كفه الطاهر لكفي كان مديته

اذا الله قدر ورده مثل اول وصار قريب
............... عسى الله كل محتاجه يخليني ان خليته !!!!!


لـ .. ( ثامر بن شبيب )
/

رأقت ..لـ الداانة.,.

رووووووووووووووووووووووووعه

تشرفت بهطولك الطيب.,.

ابيات شعريه رائعة البوح موغلة في دهاليز الالم تناثرت حروف ابداعها وهذيان تمتاتها من شعر ابدع في ترياق شجونه الانيقه دانه تملكي حاسه شعريه تواقه في انتقاء كل ماهوا عذب من الشعر فالف شكر علي روائع طرحك