الخميس .. و .. السبت [ محآورة شعرية ] : )

محاورة شعرية
بين يومي ( الخميس و السبت )

يوم الخميس /

اشكي على الجمعه من معاند السبت
ما اخطيت في حقه و جا في مكاني

يا سبت في حقي تعديت و اذنبت
يا سبت وين الله بفعلك بلاني

يوم السبت /

انا من اسبابك تراني تعذبت
سنين ما ريّحت فيها ثواني

تشكي على الجمعه معي ما تأدبت
ما تدري انه واحدٍ من خواني

يوم الخميس/

الناس تفرح بي وفيني تسببت
ما عاد لي قيمه بتالي الزماني

تباشروا بي كل ما اقبلت و اعربت
شكري لهم مع دعوتي و امتناني

يوم السبت /

هذي هي الدنيا و انا ما تعجبت
الا من اسلوبك معي يا الاناني

لا تامن الدنيا و لو كان عصبت
اليوم جا دوري و ربي عطاني

يوم الخميس/

يا سبت تبقى سبت لو جبت ما جبت
و انا الخميس و خل عنك التواني

غلاي في قلوب العرب نابتٍ نبت
لو داوموا بي حبهم ما خفاني

يوم السبت /

ان كان تبغى العلم يا صاحبي ثبت
راحت عليك و لا عليها ضماني

انا اشهد انك ذيك الايام قد طبت
و كسبت حب الناس والعمر فاني

يوم الخميس /

ايه الله اقوى بس انا يوم حسّبت
ما كنت احسب ان لي مع الوقت ثاني

دار الزمان و طاح حيلي و شيبت
و الدايم الله و الله المستعانِ

^_^

تُـسٌـلمً يَمًيَنْكَ .. يالغاللي ..

لاهنت ي بعدي

ثااااااااااااااانكس على ردك تواجدك

مشكوووووور والله يعطيك الف عافيه

ثاااااااااانكس على ردك تواجدك دائما

بارك الله فيك اخي الكريم محاوره متميزه وممتعه

ثااااااااااانكس على ردك
اسعدنى مرورك تواجد ك دائما